web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Shefes së OMN/ Vettingu, mesazh i fortë për abuzuesit me pushtetin

9 Gusht 2019, 16:15, Aktualitet CNA

Shefja e Operacionit Ndërkombëtar të Monimotirimit (ONM), Genoveva Ruiz Calavera, gjatë një interviste të dhenë për radion “Zeri i Amerikës” ka përmendur procesin e vettingut si një sinjal të fortë për të gjithë ata që kanë abuzuar me pushtetin për përfitime personale. E pyetur nëse mendon që Reforma në Drejtësi po frikëson shumë politikanë dhe zyrtarë të lartë të shtetit dhe nëse ka ndonjë shans që të shohim në burg ndonjë prej atyre që abuzuan me pushtetin apo kanë lidhje me krimin, Calavera u përgjigj:

” Procesi i vetingut ka dhënë një mesazh të fortë për ata që kanë abuzuar me pushtetin e tyre. Sulmet në rritje ndaj Reformës në Drejtësi dhe vettingut dhe kundër OMN-ës, Vëzhguesve Ndërkombëtarë dhe misionet tona të asistencës së BE-së, në këtë drejtim janë shumë domethënëse. Këto pretendime janë të pabazuara dhe të papranueshme, por ne i shohim ato si një konfirmim që vettingu po trondit themelet e një sistemi të korruptuar. Shpresojmë që ndryshimi në gjyqësor të forcojë profesionalizmin, aftësinë dhe guximin e magjistratëve të sapoemëruar për të luftuar korrupsionin…”./CNA.al

 





Lajmet e fundit nga