web counter
LEXO PA REKLAMA!

SHKARKO APP

App Store
Google Play

Topollaj: Braktisja e zgjedhjeve nga opozita forcoi maxhorancën

7 Gusht 2019, 21:22, Aktualitet CNA

Fabian Topollaj, anëtari i Bordit Drejtues të Bindjes Demokratike, ka qenë pjesë e emisionit “Ditari”, në TV “A2 CNN”, ku u shpreh se Bindja Demokratike mori një rezultat të kënaqshëm më 30 qershor.

Duke analizuar zhvillimin e tyre Topollaj thekson se opozita gaboi duke braktisur pjesëmarrjen në këtë proces, dhe kjo e bëri mazhorancën më të fortë.

?Koha i dha të drejtë Bindjes Demokratike. Braktisja e zgjedhjeve forcoi edhe më shumë mazhorancën, duke kompozuar edhe këshilla bashkiakë thuajse në organe jo pluraliste. Ne do të kemi vetëm fjalën, por kjo do të vlejë sepse do të ketë një përfaqësues të opozitës që do të bëjë denoncimin. BD mori rreth 30 mijë vota, por duhet pasur parasysh fakti që nuk kishim kandidat në të gjitha bashkitë. Nuk është e rëndësishme vota, aq më tepër në këtë situatë të krijuar në Shqipëri për të matur përpjekjen e një partie politike. Ne e dimë se në çfarë situate ishim. Votuesi normal i BINDJES DEMOKRATIKE do të ishte ai njeriu normal që e kuptonte që opozita kryesore bëri një vetëvrasje, çmenduri që nuk hyri në zgjedhje. Këtij votuesi normal nuk u la mundësia të shprehej. Vjedhje votash pati në mënyrë masive?.

Për Topollajn, një pjesë e partive opozitare e kanë kuptuar se kanë gabuar me mospjesëmarrjen në 30 qershor dhe tashmë po kërkojnë zgjedhje.

?Partitë kryesore opozitare në Shqipëri e kanë kuptuar çmendurinë që ka ndodhur më 30 qershor ndaj dhe një pjesë e tyre po duan të hyjnë në zgjedhje?, tha Topollaj./CNA.al





Lajmet e fundit nga