E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Faktet/ Ja ku mund t’i gjejë Rama, 30 milion eurot për ndërtimin e Teatrit

30 Korrik 2019, 09:37, Aktualitet CNA

Në gati një vit, ka një debat mes artistëve dhe kryeministrit Edi Rama në lidhje me shembjen e Teatrit Kombëtar dhe ngritjen e një të riu.

Një debat në fakt që nuk e ka gjenezën një vit më parë, por në kohën kur Edi Rama ishte kryetar i Bashkisë së Tiranës, dhe kërkonte ta shembte godinën e Teatrit Kombëtar.

Në atë kohë nuk mundi ta shembte si kryetar Bashkie, sot po përpiqet ta bëjë si kryeministër.

Por, ku ndahen debatuesit?

Ka disa versione. Një është të shembet Teatri, të ngrihet nga e para dhe të financohet nga shteti. Një version që në rast shembje dhe financimi nga shteti pranohet nga shumica e artistëve, por duke mos falur asnjë centimetër tokë të truallit që ka Teatri Kombëtar.

Versioni i dytë, që edhe ky gjen mbështetje, është rikonstruksioni i godinës aktuale të Teatrit Kombëtar, me fondet e buxhetit të shtetit dhe me taksat e shqiptarëve.

Versioni i tretë dhe që duket se ka më pak mbështetje, është falja e pronës publike një kompanie private e cila me një llogari të thjeshtë, me ndërtime në pronën publike do të fitonte të paktën 100 milion euro, dhe do të ndërtonte një Teatër me një kosto afërsisht 30 milion euro.

Në fakt, Rama pretendon se nuk i ka 30 milion euro dhe kjo është arsyeja pse po e jep me koncesion te privati dhe pse po fal truallin e pronës publike.

Por, po të bëjmë një analizë të thjeshtë, Edi Rama i ka 30 milion eurot, por mesa duket nuk do ta ndërtojë vetë Teatrin dhe kërkon ta japë me koncesion apo me PPP, ku pretendon që ta ndërtojë firma private Fusha, e afërt me kryebashkiakun Veliaj dhe skandalet e tij, e cila rezulton të fitojë jo pak, por shumë thasë me para.

Ku ti gjejë Edi Rama 30 milionë euro?!

30 milion euro mund të gjenden shumë shpejt, brenda ditës. Me një lëvizje të thjeshtë të kryeministrit, me një takim që mund të bëjë me ministren e Infrastrukturës, të Shëndetësisë, dhe ministren e Financave në krye.

Duke parë të gjitha koncesionet që ka dhënë qeveria në gjashtë vitet e fundit, që nga Chek Up i cili është rreth 300 milion euro. Do të mjaftonte një vit më pak Check Up apo reduktimi i faturës së saj për të shpëtuar disa milliona euro.

Është rruga Milot-Balldren, qindra miliona euro. Do të mjaftonte që qeveria të tregohej më dorë shtrënguar, pak më e kursyer në atë koncesion dhe aty do të kursente disa miliona euro të tjerë.

E kështu me radhë janë disa dhjetëra koncesione, disa dhjetëra investime, pa folur për skandalet dhe abuzimet e qeverisë me taksat, keqmenaxhimi i të ardhurave të buxhetit të shtetit, e të tjera si këto.

Pra, me pak kujdes me një mbledhje të gjatë jo më shumë se një orë, Edi Rama me stafin e tij kryeministror do t?i gjente lehtësisht 30 milion euro.

Pa folur këtu për një borxh që mund ta siguronte nga çdo institucion ndërkombëtar dhe me një interes shumë të ulët për shkak të favoreve që ka tregu sot, i cili nuk do ta rëndonte aspak buxhetin e shtetit dhe borxhin publik të shtetit shqiptar.

Për më tepër edhe nëse do të kishte një kosto të shtuar, të gjithë shqiptarët do të ishin dakort dhe të merrte një kredi e ta ndërtonte vetë qeveria Teatrin e shqiptarëve, sepse është e turpshme që kur të hysh në Teatrin Kombëtar, të lexosh një tabelë ?Ndërtuar dhe dhuruar nga firma Fusha?.

Në fakt Teatri duhet ndërtuar me paratë e shqiptarëve, apo për më tepër do të ndërtohet edhe nëse Rama e bën me privatët, nga paratë e pronës publike që kryeministri do t?i falë firmës ?Fusha?. Firmës bashkëpunëtore të kryebashkiakut Erion Veliaj, të cilën drejtuesi i Tiranës e ka përdorur për të fshehur skandalet e tij dhe për t?i shpëtuar drejtësisë.

Prandaj, Edi Rama nuk mund të thotë se nuk i ka 30 milion eurot. Ato i ka kudo, por nuk ka pasur kurrë vullnetin dhe dëshirën për t?i gjetur dhe për ta financuar Teatrin me paratë e shqiptarëve, por tashmë duket se mendjen e ka të ndarë. Atij i intereson më shumë koncesioni me firmën private ?Fusha?, e cila do të fitojë mbi 100 milion euro, sesa me një mirëmenaxhim të buxhetit të shtetit, apo duke kërkuar në “vrimat” e tij, ku mund të gjente lehtësisht 30 milion euro për të ndërtuar Teatrin Kombëtar.

Dhe në këtë rast, debati do të ishte i mbyllur, askush nuk do ta kundërshtonte ndërtimin e tij me paratë e taksapaguesve shqiptarë në pronën publike, 100% të Teatrit. Por, kryeministri ynë kërkon të mbajë disa zëra ndezur duke luajtur për të shpëtuar edhe ortakun e tij politik, kryetarin e PD-së, Lulzim Basha nga kostot e skandaleve të tij politike, duke hedhur zhurmë në erë për të tërhequr vëmendjen nga skandalet aktuale.

Por, gjithësesi kryeministri nuk mund të na thotë se nuk ka 30 milion euro. Ato janë në buxhet, por kreu i qeverisë nuk do të ndërtojë Teatrin me paratë e shqiptarëve sepse kërkon ti falë një firme private mbi 100 milion euro./ CNA.al