web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu zbret nesër në fushë, ja lojtarët që do zbarkojnë në stërvitje

28 Korrik 2019, 12:25, Aktualitet CNA

Pas zhurmës së fundit dhe dilemave nëse do të vijojë apo do të shkrihet ekipi i Skënderbeut, tashmë vjen edhe vendimi zyrtar nga ana e Ardjan Takajt. Ekipi do të grumbullohet në datën 29 korrik, ditën e hënë në ?Tropikal Resort? për të filluar prej andej përgatitjet për sezonin e ri.

Pavarësisht se është ende e pazbardhur plotësisht se cili do të jetë vendimi që do të marrë presidenti Takaj pas samitit me tifozët, fakt përbën mbledhja e ekipit që do të nisë përgatitjet. Pavarësisht se me shumë largime dhe dilema për afrimet e reja në këtë ekip, të gjithë lojtarët që janë me kontratë ekzistuese në Korçë do të jenë prezentë në daljen e parë zyrtare të Skënderbeut për sezonin e ri.

Të paktën nga sa bëjnë me dije burimet pranë klubit korçar, duket se do të jenë Gentian Liçi dhe Ilir Bozhiqi ata që do të drejtojnë ekipin në nisjen e fazës përgatitore. Nën urdhrat e dy trajnerëve do të vihen më pas edhe futbollistët që kanë një kontratë të vlefshme me Skënderbeun dhe janë pjesë e ekipit korçar.

Kjo pak a shumë do të jetë nisja e kësaj faze përgatitore për bardhekuqtë deri në momentin që do të vendoset edhe emri i trajnerit të ri që do të marrë drejtimin e skuadrës së Ardjan Takajt. Pritet që në ditët në vijim Takaj të bëjë publik edhe emrin e trajnerit që do t?i besojë drejtimin e skuadrës.





Lajmet e fundit nga