web counter
LEXO PA REKLAMA!

SHKARKO APP

App Store
Google Play

E fundit!

x

"13 Tetori nuk e zgjidh krizën politike"/ Shehi kundër Metës

9 Gusht 2019, 09:15, Aktualitet CNA

Presidenti Ilir Meta çdekretoi 30 Qershorin, duke shpallur një datë të re për zgjedhjet vendore, 13 Tetorin.

Por, Opozita joparlamentare, është shfaqur e ndarë për 13 Tetorin.

Parti politike, aleate të PD që janë regjistruar për zgjedhjet e 13 Tetori janë LSI, Partia Republikane e Fatmir Merdiut dhe ajo Agrare Ambjentaliste e Agron Dukës.

CNA.al ka kontaktuar një nga aleatët e PD-së, kreun e LZHK Dashamir Shehi, i cili është shprehur se po ndjekin rrugën e Partisë Demokratike.

?Ky është një vendim që ia kemi lënë Partisë Demokratike. Ne kemi nënshkruar një aleancë me PD-në dhe ajo do ta udhëheq atë problem. Ditën që do të regjistrohet PD-ja do të regjistrohemi edhe në. Nëse nuk është regjistruar PD-ja nuk ka kuptim që të regjistrohemi në zgjedhje ne aleatët e saj. Unë mendoj se u regjistruam, nuk u regjistruam nuk ka ndonjë lloj problemi sepse vend për zgjedhje nuk kishte?, ka thënë Shehi.

I pyetur në lidhje me moszbatimin e  dekretit të Presidentit, një situatë të tillë Shehi e justifikon me faktin se nuk janë plotësuar 3 kushtet për marrjen pjesë të opozitës në zgjedhje, dhe në këtë mënyrë çfardolloj përpjekje nuk ka kuptim pasi çon betejën e opozitarëve atje ku e nisën.

?Përtej respektit që kemi për dekretin e Presidentit ne gjykojmë që zgjidhja politike është mosmarrja pjesë as në zgjedhjet e 13 Tetorit. Nuk janë përmbushur kushtet që kërkon opozita. Opozita ka vendosur 3 kushte. Tashmë të hyjmë në zgjedhje brenda 3 muajve, ndërkohë që nuk janë përmbushur asnjë nga këto 3 kushte, për të cilat është bërë një luftë 6-mujore, nuk ka anjë lloj kuptimi. Është njëlloj sikur të kthehesh në fillim, atje ku e nisëm.?/CNA.al





Lajmet e fundit nga