Krimi, Rama-Veliaj/ Teatri Kombëtar si varrezë e Ardit Gjoklajt

27 Korrik 2019, 10:22, Politikë CNA

Tema e Teatrit Kombëtar, një çështje kjo e cila është debatuar gati një vit më parë, është rikthyer sërish në vëmendje të opinionit publik.

Gjithashtu në skenën politike është ndezur një debat midis artistëve dhe Qeverisë, me përfshirjen edhe të Opozitës.

Nga njëra anë qëndron një grup artistësh, të cilët mbrojnë kauzën që të ruhet Teatri aktual, nga ana tjetër janë një grup artistësh pranojnë që të ndërtohet një i ri, por është edhe një pjesë tjetër artistësh, të cilët duan që të ndërtohet i riu, por pa pasur një kosto mbi pronën publike që ka aktualisht Teatri Kombëtar.

Pra, ka disa qasje ndaj kësaj çështjeje.

Teatri Kombëtar me një ligj special nga Parlamenti i është dhënë një firme private dhe konkretisht firmës “Fusha” e cila ka në pronësi disa mijëra metra katrorë truall, një sipërfaqe shumë herë më e vogël se sa ajo që shteti i jep kësaj firme për të ndërtuar Teatrin e ri.

Sipas ligjit special të përgatitur nga Qeveria dhe të miratuar nga Parlamenti, firma ‘Fusha”, nëpërmjet një koncensioni do të marrë hapësirën publike dhe më pas do të ndërtojë dhe Teatrin e ri.

Por, nga specialistët dhe ekonomistët, është vënë alarmi, pasi bëhet fjalë për një abuzim gati 100 milion euro, të cilat firma “Fusha” do t’i fitonte nga dhënia e truallit publik.

Gjithsesi përtej këtij debati firma përfituese është firma “Fusha”. Për ata që nuk e dinë është ajo që ka ndërtuar sheshin ‘Skënderbej”.

Për ata që nuk e dinë është firma që pak ditë më parë mori ndërtimin e bulevardit “Zogu i parë”.

Pra, është një nga firmat e preferuara të kryebashkiakut të Tiranës Erion Veliaj. Po çfarë e lidh Fushën-Veliajn me vrasjen e Gushtit të vitit 2016, në varrezat e Sharrës, ku u gjet i vdekur Ardit Gjoklaj.

Një ngjarje kriminale, kjo e cila po përpiqet të fshihet nga Veliaj dhe të manipulohet sikur vrasja ka ndodhur jashtë, megjithëse Ardit Gjoklaj u gjet i vrarë në impiantin e përpunimit të mbetjeve të mbeturinave në Sharrë.

CNA.al fotografoi me 24 dhjetor të vitit 2016 në ambjentet e restorant “Taivanit” në qendër të kryeqytetit, Petrit Fushën ish kreun e Prokurorisë së Tiranës në atë kohë, i cili u takua kokë më kokë me Veliajn.

Petrit Fusha është i afërmi i pronarit të firmës që ka marrë me koncesion ndërtimin e Teatrit me ligj special, ka ndërtuar sheshin ‘Skënderbej” si dhe ka marrë së fundi disa miliarda lekë për ndërtimin e bulevardit “Zogu i parë”.

Megjithëse Veliaj kishte disa çështje gjyqësore penale të hapura në Prokurorinë e Tiranës, Petrit Fusha, kryeprokurori i Tiranës në atë kohë takoi dhe drekoi me të akuzuarin Erion Veliaj.

Dhe çuditërisht pak ditë më pas u shpall tenderi dhe u fitua faza tjetër e investimit të sheshit “Skënderbej”, nga firma “Fusha”.

Por, nuk mbaron këtu, sërish fonde të tjera janë përfituar prej kësaj firme, deri tek Teatri Kombëtar apo dhe së fundmi miliardat që do të fitojë nga ndërtimi i bulevardit “Zogu i Parë”.

Mesa duket nga një analizë e thjeshtë dhe një opinion duket qartë se vrasja e Ardit Gjoklajt është përdorur si një çështje që duhej të mbyllej dhe si shpërblim janë milionat që i jep Bashkia e Tiranës.

Duket qartë menjëherë pas takimit të Veliajt me Petrit Fushën në atë kohë kryeprokuror i Tiranës, firma e kushëririt të tij filloi të fitonte një pas një tenderat.

Dhe së fundi është Teatri Kombëtar për të cilin, përtej debatit duhet ta bëjë një njeri, por tek abuzimi me miliona dollarë qëndron vrasja Ardit Gjoklajt e cila mesa duket do të përdoret si varrezë në Teatrin e ri Kombëtar.

Për Teatrin Kombëtar, ndërtimin e tij u përgatit një ligj special nga Qeveria, i cili më pas u miratua nga Parlamenti.

Ndaj nuk është vetëm Erion Veliaj, autor në fshehjen e krimit, por në këtë situatë është përfshirë edhe kryeministri Edi Rama /CNA.al

Pse tmerrohet Erion Veliaj nga vrasja e Ardit Gjoklajt

Veliajt i bie maska e propagandÃ«s/ QytetarÃ«t refuzojnÃ« â??vrasÃ«sinâ? e Ardit Gjoklajt

Petrit Fusha “vrau” Ardit Gjoklajn nÃ« bashkÃ«punim me Veliajn/ “Peshku i madh” drejt prangave

Nga vrasja e Ardit Gjoklajt, te kullat dhe korrupsioni/ Veliaj feston hajdutÃ«rinÃ«

Skandali me dosjen e â??Ardit Gjoklajtâ?/ Prokurori deklaron â??fajtorâ? viktimÃ«n