web counter
LEXO PA REKLAMA!

SHKARKO APP

App Store
Google Play

E fundit!

x

Skandali me kontrollin e pompave të naftës/ Ish-deputeti zbulon përfituesin e parave

20 Korrik 2019, 11:40, Aktualitet CNA

Ish-deputeti i PD-së, Agron Shehaj, ka denoncuar një tjetër skandal lidhur me tenderat e dhe koncensionet e Qeverisë.

Shehaj shkruan se skandali me pompat e naftës është aq i thellë saqë dyshohet nëse ka patur vërtetë tender apo jo dhe se përfituesi i vërtetë i parave mund të jetë vëllai i Kryeministrit Edi Rama.

Postimi i plotë i Agron Shehajt

Skandali i koncesionit të kontrollit të pompave të naftës është edhe më i thellë. Sot është në pikëpyetje nëse është bërë ndonjëherë tender mirëfilltas. Në datën 18 tetor 2018, kur pretendohet se janë marrë ofertat, tenderi ka qenë i pezulluar nga Ministria e Financave dhe Ekonomisë me urdhër të datës 5 tetor 2018. Tenderin më pas e anulloi Gjykata Administrative e Tiranës.

Por pas 8 muajsh shpallet që tenderi na qenka bërë më datën 18 dhe fituese është NOA Control, një kompani e krijuar para tre vjetësh dhe që egziston vetëm për të marrë koncesione korruptive dhe favore nga qeveria.

Pronari i kompanisë NOA, e cila ka marrë në fshehtësi edhe koncesione të tjera abuzive nga qeveria, është mik i vëllait të Kryeministrit Rama. Duhet që Prokuroria të hetojë urgjentisht koncesionin e pompave dhe të zbulojë nëse përfituesi i vërtetë i parave të qytetarëve është apo jo vëllai i Kryeministrit./CNA.al





Lajmet e fundit nga