web counter
LEXO PA REKLAMA!

SHKARKO APP

App Store
Google Play

E fundit!

x

Pazaret e Arta Markut në ikje/ Zbulohet "shpërblimi" i fundit që kërkon nga KLP

20 Korrik 2019, 10:17, Aktualitet CNA

Këshilli i Lartë i Prokurorisë është kthyer në institucionin e qokave dhe ndereve.

Sikur të mos mjaftonte përbërja e dyshimtë dhe politike,  KLP në vend të një organi rregullator është kthyer një tavoline ku kthehen nderet dhe lahen borxhet.

Prokurorja e Përgjithshme e përkohshme Arta Marku, e cila duhet se po e nuhat ikjen, po tenton të rehatojë miqtë e saj.

Marku është e njohur për rehatimin e mikeshave, saqë e gjithë Shqipëria ia njeh shoqërinë e saj.

Pas Donika Prelës, Anita Jellës, dhe jo vetëm, tashmë ka ardhur koha që Marku të rehatojë mikeshën e saj avokate, Pranvera Gruda.

Këshilli i Lartë i Prokurorisë ka njoftuar se në mbledhjen që do të mbahet të hënën, një ndër pikat është  edhe miratimi i projekt-vendimeve për caktimin në detyrë të  zonjës Pranvera Gruda.

Kujtojmë se Gruda ka mbrojtur Marku në çështjen më të përfoluara si është rasti i përplasjes me ish prokuroren Rovena Gashi.

Në Prokurorinë e Përgjithshme janë edhe 4 ndihmës ligjorë të tjerë, por Marku ia ka besuar Gashin,  Pranvera Grudës, së cilës tashmë po i kthen nderin.

Pavarësisht se ka dëshuar në punën e saj si Prokurore e Përgjithshme, Marku, meriton çmimin nobel, për planet afatgjata në lidhje miqtë e saj.

Duke qenë se në KLP, ajo ka “klanin e saj”, ka shpejtuar të rregullojë edhe zonjën Gruda.

KLP, nuk e ka për herë të parë që bëhet pjesë e skandaleve.

Madje ata kanë shkuar deri në atë pikë saqë kanë emëruar prokuror edhe pa pasur shkollën e magjistraturës.

Rasti është i freskët. KLP, vetëm para pak kohësh emëroi prokuror, bashkëshortin e deputetes socialiste Ermonela Felaj edhe pse nuk kishte mbaruar magjistraturën. Po çfarë i duhet Bledar Valikajt magjistratura, kur ka gruan?/CNA.al





Lajmet e fundit nga