web counter
LEXO PA REKLAMA!

SHKARKO APP

App Store
Google Play

E fundit!

x

"Krimi i organizuar kontrollon pushtetin lokal"/ Basha akuza të forta Ramës

20 Korrik 2019, 07:52, Aktualitet CNA

Kreu i PD-së Lulzim Basha, ka reaguar sërish në lidhje me drejtësinë që sipas tij e kontrollon kryeministri Edi Rama.

Duke iu referuar vendimit të dytë të Gjykatës së Durrësit, për njohjen e mandatit si kryebashkiake të kandidates socialiste Valbona Sako, Basha ka thënë se Rama e kontrollon drejtësinë me anë të Vangjush Dakos.

“Edi Rama përmes Vangjush Dakos dhe krimit të organizuar kontrollon pushtetin lokal, drejtësinë dhe çdo institucion tjetër të Durrësit.

Bashkëpunëtori i bandës kriminale të Avdylajve, liruesi nga burgu i Lul Berishës dhe pastruesi i parave të krimit në Durrës, duhet të ishte në burg, por ai është padroni i atyre që që duhet ta dërgonin në burg”, ka shkruar Basha në rrjete sociale.

Sipas tij drejtësia në të gjithë Shqipërinë është sot në duart e krimit dhe të organizatës kriminale të rilindjes.

“Sot mes rilindasve dhe krimit nuk ka më asnjë ndryshim. Jemi kthyer në kohët e errëta, kur drejtësia ishte partia kriminale.

Me këtë drejtësi nuk do ketë kurrë politikanë në pranga, nuk do ketë kurrë kriminelë në burg. Me këtë drejtësi, prangat janë për njerëzit e thjeshtë dhe krimi e hajdutëria qeveritare bëjnë kërdinë. Çlirimi i vendit nga sundimi i Edi Ramës dhe bandës së tij në qeveri është domosdoshmëri për demokracinë, shtetin e së drejtës dhe stabilitetin e vendit”, ka shkruar më tej Basha.





Lajmet e fundit nga