E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Janë vjedhur xhepat e shqiptarëve"/ Kërkohet dorëheqja e Metës dhe hetimi ndaj tij

20 Korrik 2019, 07:29, Aktualitet CNA

Presidenti Ilir Meta, ka reaguar në lidhje me dorëheqjen e kryeministrit të Kosovës Ramush Haradinaj dhe hetimin e tij nga Gjykata Speciale.

“Nuk ka pabesi dhe presion që e thyen burrin e shtetit dhe Heroin e Kombit”, shkruan Meta në rrjetet sociale.

Po e shkruajtur kjo nga një politikan që mban mbi kurriz një sërë mëkatesh ndaj popullit shqiptar, duke se ka rënduar edhe tek ata që e ndjekin në rrjete sociale.

Ndjekës jo vetëm nga Shqipëria por edhe nga Kosova i këkrojnë Metës njëzëri që të veprojë si Haradinaj, të ndjekë shembullin e tij, të japë dorëheqjen.

“Po ti, z.President do ta jepje dorëheqjen për ti dhënë rrugë drejtësisë?….Po merrni shembull edh ju.. Bëje dhe ti se ke një jetë që s’ lëshon karrige…”, janë këto disa nga komentet qëe kanë vërshuar në rrjetin social të Presidentit Meta.

“Aktin që ka bërë kryeministri i Kosovës, duhet ta bëjnë edhe politikanët shqiptarë për Shqipërinë dhe të gjykohen, por janë shumë të sigurt horrat e Shqipërisë se janë zhytur në llum dhe nuk e përballojnë dot që të shkojnë në gjykata pa imunitet nga vjedhjet që bëjnë ndaj xhepave të shqiptarëve dhe nuk është se këta e duan Shqipërinë si gjithë Europa, por duan Europën si Shqipëria që e kanë fëlliqur me dekada me radhe dhe ende vazhdojnë plehrat”.

Ka qenë ky komenti i ashpër i një qytetari të zemëruar nga Meta dhe soji i tij i zhvatësve në politikën shqiptare.

Për më tepër qytetarët i kujtojnë Metës se është Presidenti i kompromiseve dhe pazareve dhe si i tillë nuk është i denjë për të komentuar rastin e Haradinajt.

“Për çfarë pabesie e ke fjalë president i kompromiseve dhe pazarave. Kush e preu kryeministrin Haradinajn në besë sipas teje. Jeni materialist i etur, prandaj për interesa personale nuk e ke problem të nxitësh, të shpifësh dhe të gënjesh. Ti nuk e do Haradinajn ashtu siç nuk do Shqipërinë”, ka shpërthyr një qytetar ndaj Metës.

Për të tjerë qytetarë, Meta është tradhëtar i shtetit shqiptar dhe sipas tyre një tradhtar nuk mund të flasë për një hero./CNA.al