E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

“Kthema dritën”/ 300.000 familje të varfëra pa elektricitet, qytetarët protestë para Kryeministrisë

19 Korrik 2019, 18:08, Aktualitet CNA

Qindra qytetarë nga familjet e varfëra nga 5 qytete u mblodhën ditën e sotme për të protestuar përpara Kryeministrisë nën sloganin “Mirato VKM”

Në thirrjen e përbashkëta për rreth 1 orë ata kërkuan të miratohet Vendimi i Këshillit të Ministrave për nenin 95 të ligjit për “Sektorin e Energjisë Elektrike ”

Protesta u zhvendos prapa Kryeministrisë për të kërkuar një përgjigje nga Z.Rama për peticionin e dërguar ditën e henë, peticioni është firmosur nga 3500 qytetarë.

Në një intervistë për PortaVendore aktivistët tregojnë se: Ne kemi marrë ndërmarrë të gjithë hapat për të kërkuar që kjo VKM të miratohet, duke dërguar në muajin dhjetor më shumë se 150 ankesa nga qytetarët tek portali Bashkëqeverisjes, ende sot nuk kemi një përgjigje për ankesën, kemi zhvilluar takime të ndryshme me përfaqësues institucionesh ku kemi folur për miratimin e VKM, ndërkohë që sot vendosëm të protestojmë pasi nuk ka më hapa të tjera për të bërë, qytetarër më te varfër të Shqipërisë ishin sot duke folur për hallin e tyre, jo për parti po për një problem real i cili prek më shumë se 300.000 familje të varfëra që nuk kanë mundësi të paguajnë faturat e energjisë elektrike.

Neni 95 i Ligjit për Sektorin e Energjisë Elektrike u jep mundësinë familjeve të varfëra të rimbursohen nga buxheti i shtetit 210 këh ndryshe 2000 mijë lekë në muaj si lehtësim për faturën e energjisë elektrike, përpos kësaj do të mundësojë lehtësi në pagesën e kësteve.

Ligji i miratuar në vitin 2015, kishte si afat 1 vit per të miratuar aktet nënligjore në mënyrë qe të ligji të kishtë fuqi vepruese, theksojmë se një qytetër nga Elbasani Z.Ilirjan Petriti është ankuar në Gjykatën r Tiranë për miratimin e VKM të nenit 95, por përgjigja e gjykatës ishte e ftohtë duke shpjeguar qe nuk kishte fuqi të detyronte Këshillin e Ministrave.

Mësojmë nga Aktivistët se 2 prej tyre janë futur në takim në Kryeministri për te disktuar rreth miratimin të VKM për nenin 95, ata tregojnë se: U takuam me Drejtoreshën e platformës së Bashkëqeverisjes, ata u shprehën se do na kthejnë përgjigje sapo të mbushet afati 1 javë nga dërgimi i peticionit më të gjithë opionet dhe mendimet e Kryeministrisë dhe Ministrive që janë përgjegjëse për këtë VKM, me tej aktivistët shprehen se familjet e varfëra kanë 3 vite që presin, dhe janë shkelur të gjithë afatët ligjore për ta miratuar, edhe sa do të presin qyterarët nga burokracitë e shtetit./CNA.al