web counter
LEXO PA REKLAMA!

SHKARKO APP

App Store
Google Play

E fundit!

x

Ja si e përcolli presidenti Thaçi dorëheqjen e kryeministrit Haradinaj

19 Korrik 2019, 17:20, Aktualitet CNA

Duke përmendur këshilltarin e tij Bislim Zyrapi, për të cilin mësohet se po ashtu është ftuar nga Gjykata Speciale për tu intervistuar, presidenti i Kosovës Hashim Thaçi ka reaguar për ftesën dhe dorëheqjen e kryeministrit Ramush Haradinaj, raporton “Kosova Sot”.

?Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së?, ka thënë Thaçi.

Ai ka treguar se ka mësuar nga mediat edhe për vendimin e Kryeministrit të Republikës së Kosovës, Ramush Haradinaj, për dorëheqjen e parevokueshme nga pozita e tij.

?Unë e respektoj vendimin e tij dhe si President i Republikës së Kosovës ju siguroj se do të veprojë bazuar në kompetencat e mia kushtetuese dhe ligjore, për të cilat qytetarët e Kosovës do të njoftohen me kohë. Unë besoj në pastërtinë e luftës së Ushtrisë Çlirimtare të Kosovës dhe besoj në vlerat e larta morale të ushtarëve të lirisë. As vlerat e lirisë sonë dhe as luftën e UÇK-së nuk mund ta cenojë askush?, ka thënë Thaçi.





Lajmet e fundit nga