E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Sezoni turistik/ Mitat Tola ‘zbulon’ akset me trafik të rënduar

20 Korrik 2019, 10:46, Aktualitet CNA

Drejtori i Policisë Rrugore, Mitat Tola, ka folur sot për mediat lidhur me situatën dhe ngarkesën e trafikut në këtë sezon turistik ku të shumica e kryeqytetit ‘turret’ drejt plazhve, sidomos gjatë fundjavës.

Tola ka thënë se policia rrugore ka shtuar patrullimin në dis zona të caktaura dhe ka zhvendosur nga rrugët me trafik të ngarkuar, kamionat.

?Policia Rrugore është e vendosur në akset rrugore që dalin nga Tirana, në zonat turistike. Akset më të ngarkuara të paktën të shtunën dhe të dielën mbetet segmenti kryesor interurban, Tiranë-Durrës, dhe pjesa e daljes nga Gjiri i Lalzit.

Janë shtuar shërbimet policore në rrugë, është shtuar patrullimi, është zhvendosur trafiku i kamionave që të mund të lehtësohet trafiku dhe të jetë i manaxhueshëm. Ata që duan të shkojnë në jug të vendit mund të përdorin kalimin nga autostrata Tiranë-Elbasan, e cila është një rrugë alternative, nëse nuk duan që të bllokohen në dalje të Tiranës.

Ka shërbime shtesë të shërbimeve rrugore, të cilat reduktojnë trafikun dhe shikojnë shkeljet e dukshme kryesore. Në detyrat kryesore të policisë është shpejtësia, mosvendosja e rripit të sigurimit, mosbajtja e distancës. Të gjithë këto shkelje edhe në momentin që ne nuk mundemi ta ndalojmë për shkak ktë fluksit gjoba i shkon me postë në banesë. Gjoba e tyre shkon me postë në shtëpi, identifikohet edhe në sistemin e gjobave që normalisht do të përmirësohet edhe më tej.

Ajo që dua t’i tërheq vëmendjen drejtuesve të mjeteve është mos të ecin me shpejtësi, të lidhen gjithmonë me rrip sigurimi, të sigurojnë fëmijët në sediljet e tyre, respektimi i distancës së sigurisë, të mbajnë gjithmonë vëmendjen në timon dhe jo në celular. Kjo sjellje është ndëshkuar më shumë. Janë 90 mijë masa vetëm për 6 muajt e parë.

Rrethrrotullimi i Elbasanit. Edhe përmirësimi i fundit që u bë nga Enti i Rrugës duhet të lidhet me sjelljen e drejtuesit të mjetit, të respektojnë normat e qarkullimit rrugor. Çfarëdo rregullimi të bëhet duhet të respektohet sinjalistika dhe në rrethrrotullim duhet të shkosh me shpejtësi drejt zeros, nëse vjen me shpejtësi 140 km/h nuk ka rrethrrotullim që të të mbajë. Përmirësimi, pa sjelljen e shoferit, nuk ka mundësi të shmangë aksidentet,?- ka thënë ndër të tjera Tola./CNA.al