E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Urdhëri për zbrazjen e Teatrit Kombëtar/ PD thirrje Ramës: "Hiq dorë sa nuk është vonë"

18 Korrik 2019, 17:17, Aktualitet CNA

Kreu i Forumit Rinor të Partisë Demokratike, Belind Këlliçi, ka reaguar përmes një postimi në rrjetet sociale, lidhur me urdhërin e Ministrisë së Kulturës për zbrazjen e godinës së Teatrit Kombëtar.

?Pasi tentuan ta zhvishnin Teatrin fillimisht nga funksioni duke i hequr vjedhurazi shkronjat natën, po tinëzisht deshën ta zbrazin për t?jua bërë fakt të kryer qytetarëve shembjen e tij dhe vjedhjen e truallit publik, si celebrimi final dhe më i paturp i një pushteti arrogant dhe jolegjitim, që s?ka si të sillet ndryshe veçse si pushtues barbar me qytetarët dhe historinë?-shkruan Këlliçi në reagimin e tij.

Ndërsa shton se Teatri do të mbrohet me cdo kusht përballë para pazarave private dhe grabitjes së truallit publik për ndërtimin e 6 kullave të Edi Ramës dhe Erion Veliajt.

Postimi i plotë

Mëngjesin e sotëm Ministria e Kulturës ka urdhëruar zbrazjen e godinës së Teatrit Kombëtar. Në mënyrë të pabesë, pushteti jo-legjitim, i një minorance politike aspak përfaqësuese, hodhi sot hapin e parë për zbrazjen fizike të Teatrit Kombëtar.

Jo rastësisht Edi Rama dhe Erion Veliaj përzgjodhën muajin korrik, në prag pushimesh, me shpresën se ky gjest nuk do të vihet re nga qytetarët dhe do të kalojë ashtu siç kanë kaluar shpesh me trishtim, masakra të tjera të përditshme që po i bëhen trashëgimisë historike të kryeqytetit.

Pasi tentuan ta zhvishnin Teatrin fillimisht nga funksioni duke i hequr vjedhurazi shkronjat natën, po tinëzisht deshën ta zbrazin për t?jua bërë fakt të kryer qytetarëve shembjen e tij dhe vjedhjen e truallit publik, si celebrimi final dhe më i paturp i një pushteti arrogant dhe jolegjitim, që s?ka si të sillet ndryshe veçse si pushtues barbar me qytetarët dhe historinë.

Si pjesë e atyre qytetarëve që ?pushtimin? nuk e pranojnë, ju garantoj se Teatri Kombëtar do të mbrohet me çdo kusht! Ne jemi shumë, por do të kemi nevojë në luftën tonë për të tërë ju që dini të vini interesin publik dhe qytetar, para pazarave private dhe grabitjes së truallit publik për ndërtimin e 6 kullave të Edi Ramës dhe Erion Veliajt.

Hiqni dorë nga kjo marrëzi, përpara se te jetë tepër vonë për ju! Teatri Kombëtar do të mbrohet me çdo kusht, me çdo sakrificë dhe pa asnjë kompromis!/CNA.al