web counter
LEXO PA REKLAMA!

SHKARKO APP

App Store
Google Play

E fundit!

x

“Shteti i së drejtës ka rënë”/ Mustafaj: Politika ti thërrasë mendjes

18 Korrik 2019, 16:15, Aktualitet CNA

Ish ministri i Jashtëm, Besnik Mustafaj, ka komentuar situatën politike në vend si dhe vendimet e gjykatave për mandatet e kryebashkiakëve të dalë nga votimet e 30 qershorit.

I ftuar në studion e TV “News 24”, në rubrikën ?Opinion?, Mustafaj  tha se shteti i së drejtës në vend është rrëzuar dhe ka një kaos në të gjitha aspektet.

?Nuk besoj se do qartësohen gjërat deri në shtator. Shteti i së drejtës në Shqipëri është rrëzuar, është në një kaos legjislativ, politik dhe ekonomike sepse konstatohet një rënie dhe një depresion i madh ekonomik. Kjo tregon se kriza po bëhet gjithnjë e më shumë komplekse e po thellohet më shumë. Ka dy mundësi, ose politika ta mbledhë mendjen e të arrijë kompromise ose thellimi i krizës pa ndërhyrje çon në shpërthime me pasoja shumë të dëmshme. Ende shpresoj që politika shqiptare do të mund të ndërgjegjësohet për rolin e vet, do heqë dorë nga kokëfortësia e do ketë zgjidhje. Presidenti po përpiqet, po propozon, ka marrë disa hapa të rëndësishëm siç është shtyrja e zgjedhjeve më 13 tetor. Ka propozuar një paketë zgjedhjesh, jo vetëm zgjedhje për pushtetin vendor por edhe të përgjithshme, madje ka propozuar edhe zgjedhjen e drejtpërdrejt nga populli të Presidentit, që do të kërkonte një ndryshim në Kushtetutë?, tha ai./CNA.al

 

 





Lajmet e fundit nga