web counter
LEXO PA REKLAMA!

SHKARKO APP

App Store
Google Play

Revolucion në median e Irfan Hysenbelliut/ Ikën stafi drejtues, vjen gazetari i njohur

18 Korrik 2019, 13:13, Aktualitet CNA

CNA.al ka mësuar se në median e Irfan Hysenbelliut do të ketë ndryshime të forta.

Këtë televizion së shpejti do ta drejtojë si drejtor i përgjithshëm, por edhe si drejtues i një emisioni politik, gazetari Sokol Balla, i cili vitin e shkuar mori drejtimin e Vizion Plus, pasi u largua nga Top Channel.

Burime të konfirmuara thanë për CNA.al, se tashmë gjithçka është përfunduar dhe pritet që drejtimi i televizionit News 24 nga Sokol Balla, të sjellë zhvillime të tjera në strukturën e këtij televizioni, ç?ka pritet të konfirmojë zërat e largimit të Ylli Rakipit, me emisionin Të Paekspozuarit.

Nga ana tjetër, CNA.al ka mësuar se gjithçka ka ndodhur pas disa problemeve të forta ekonomike të biznesmenit Hysenbelliu. Gjithashtu, në qarqet mediatike flitet edhe për një takim të Endri Fugës me Hysenbelliun, dhe një pazar me kryeministrin Edi Rama për të bërë të mundur kontrollin e këtij televizioni, i cili kohët e fundit ka qënë një nga zërat më të fortë dhe më të ashpër kundër qeverisë, me dy emisionet goditëse, si ?A Show?, nga Adi Krasta dhe ?Të Paekspozuarit? e Ylli Rakipit, me Fatos Lubonjën dhe Andi Bushatin.

Përtej zërave të raportuar në media, tashmë gjithçka është fakt dhe duket se kryeministri mori nën kontroll më në fund edhe një nga mediat e fundit që kishte ngelur kritike në vend.

Të njëjtat burime theksuan për CNA.al se Balla ka njoftuar miqtë e ngushtë për largimin e tij nga Vizion Plus, dhe kalimin në një tjetër televizion, i cili duket se është News 24, ku ai do të jetë drejtor i përgjithshëm por edhe drejtues i emisionit të tij politik./ CNA.al





Lajmet e fundit nga