E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Ekskluzive/ Socialistët rrëzojnë emrin e propozuar nga Meta për kreun e KLSH-së

18 Korrik 2019, 11:32, Aktualitet CNA

Presidenti Ilir Meta ditën e djeshme ka propozuar për kreun e Kontrollit të Lartë të Shtetit, profesor Petraq Milon.

Milo është kandidati i tretë që propozohet nga Meta, pas rrëzimit të dy kandidatëve të parë Vitore Tusha dhe Bahri Shaqiri nga mazhoranca.

Kandidati i propozuar nga presidenti, Petraq Milo është një ish-këshilltar i Berishës, por edhe me një aktivitet të lartë politik.

Ka qënë anëtar i Bordit Drejtues të Bankës së Shqipërisë, i zgjedhur si përfaqësues i PD-së, ka qënë anëtar i Bordit të Sigurimeve Shoqërore në vitet 1993-1994); president i Komitetit të Borxhit të Brendshëm në 1994; anëtar i Bordit të KESH në vitet 2005-2008; kryetar i Bordit të INSIG në 2007-2011 dhe Këshilltar i Kryeministrit të Republikës së Shqipërisë për financat publike dhe politikat monetare në 2005-2013.

Në fillim u duk si një emër që kishte konsensus mes palëve. Por, në fakt situata është krejt ndryshe.

Propozimi erdhi pas takimit të Metës me kreun e PD-së, Lulzim Basha dhe burime për CNA.al thanë se Ilir Metës dhe Lulzim Bashës emrin e Petraq Milos ua ka servirur Fahri Balliu.

Balliu njihet si një nga miqtë e ngushtë të Petraq Milos, një nga bashkëpunëtorët e tij të afërt, prej shumë e shumë vitesh dhe nga ana tjetër Balliu është edhe mik i ngushtë me kreun aktual të KLSH-së, Bujar Leskaj.

Por, kjo është vetëm njëra anë e medialjes. Sikurse CNA.al e ka raportuar një ditë më parë, Petraq Milo nuk ishte në listën me 34 kandidatë, të shpallur nga Presidenti si kandidat i mundshëm për kreun e KLSH-së.

Mesa duket socialistët kanë gjetur si kleçkë ligjore dhe si argument, faktin që Petraq Milo nuk ka qënë pjesë e garës së shpallur nga presidenti, por ka qënë një emër i përzgjedhur prej tij me një procedurë tërësisht jo ligjore.

Burime zyrtare thanë për CNA.al bëjnë të ditur se, kjo i ka çuar socialistët në një vendim, për të rrëzuar kandidaturën e Petraq Milos, për kreun e KLSH-së dhe gjithçka pritet që të zyrtarizohet së shpejti me një qëndrim të socialistëve./ CNA.al

Pazaret e errëta/ Fahri Balliu në krye të KLSH

Presidenti kapet në skandal/ Kandidati Petraq Milo nuk ka aplikuar për KLSH