web counter
LEXO PA REKLAMA!

SHKARKO APP

App Store
Google Play

E fundit!

x

Ashpërsimi i Kodit Penal/ Balla: Dënime më të rënda për aktet e dhunës

18 Korrik 2019, 09:14, Aktualitet CNA

Kreu i grupit parlamentar të Partisë Socialiste në seancën e sotme plenare foli lidhur me ndryshimet në kodin penal që lidhen me aspërsimin e masave sidomos në aktet e dhunës por jo vetëm.

Balla tha ndër të tjera se është e nevojshme që të bëhen ndryshime të thella në aspërsimin e kodit penal për disa aspekte të caktuara. Kodi Penal ka patur mangësi në dënimin e akteve të dhunës, ka thënë ai ndërsa shtoi se do të ketë dënime më të rënda në këtë drejtim, duke përfshirë edhe burgimin.

Disa nga pikat që përmedi Balla lidhur me ashpërsimin e Kodit Penal:

“Lidhur me ndryshimet në Kodin Penal për të ashpërsuar masat për disa vepra penale që më parë dënoheshin vetëm me gjobë apo masa të tjera të lehta.

Ky Kuvend ka bërë një prej gjërave për të mira në 28 vite atë të bllokimit të ushtrimit të lojërave të fatit. Amendamentet e kuadrit ekzistues të Kodit Penal për rendin dhe qetësinë publike janë pasojë e kërkesave në rritje të qytetarëve. Nuk shkon dot në një bregdet shqiptar teksa pranë hotelit dhe shtëpisë ku ke marrë përsipër të çosh familjen për pushime të vjen një boom boom dhe vetëm pushime nuk mund të quhen. Propozojmë edhe dekriminalizimin e gabimit mjekësor kur këto pasoja nuk vijnë si pasojë e një gabimi njerëzor. Mjekësia nuk është një shkencë ekzakte por një nga detyrat e shërbimit publik. Propozojmë ashpërsimin e dënimeve për mbajtjen e armëve. Paraardhësit tuaj këtu vinin me flakadanë. Bëhet fjalë vetëm për ato që bien në kundërshtim me ligjin. Nuk po flas për fishekzjarrët e fëmijëve të moshës së Lulzim Bashës. Ishim i vetmi vend që nuk kemi penalizim të transportit të fishekzjarreve duke rrezikuar jetën e qytetarëve. Mjedisi në këtë vend nuk mbrohet si duhet me ligj dhe kod penal. Ky legjsilacion duhet të plotësohet,” -ka thënë ndër të tjera Balla./CNA.al





Lajmet e fundit nga