web counter
LEXO PA REKLAMA!

SHKARKO APP

App Store
Google Play

E fundit!

x

Pasuria “fundos” një tjetër gjyqtar/ Vettingu i “pret” kokën

18 Korrik 2019, 06:51, Aktualitet CNA

Komisioni i Pavarur i Kualifikimit ka vendosur sot shkarkimin nga detyra të një tjetër gjyqtari.

Mësohet se KPK ka shkarkuar nga detyra gjyqtarin e Gjykatës së Rrethit Gjyqësor Tiranë, Ilir Mustafaj, i cili kandidonte edhe për në Gjykatën Kushtetuese.

Shkak për shkarkimin e Mustafajt janë problemet me pasurinë.

Në seancën e parë dëgjimore, Mustafaj pati kërkuar shkarkimin e anëtares së KPK-së Xhensila Pine, por kërkesa e tij nuk është miratuar.

Gjithashtu Mustafaj pati kërkuar që të hetohet në tre kriteret dhe jo vetëm tek pasuria, por kreu i trupit gjykues, Lulzim Hamitaj ka thënë se për Mustafajn KPK ka vendosur të kryejë rivlerësimin e tij vetëm në një kriter, për shkak të rezultateve të hetimeve.

?Sipas ILDKPI, Mustafaj nuk ka fshehje të pasurisë. Nga analiza e KPK-së ka rezultuar se ka mospërputhje përsa i përket deklarimit të pasurisë së një apartamenti banimi, 121 m2. Në deklarimin e pasurisë nuk deklarohet kontrata, ka mospërputhje përsa i përket çmimit. Ka mospërputhje se në deklaratë thuhet, që vlera i ka kaluar shoqërisë, por nga informacioni bankar shuma i është kaluar administratorit të shoqërisë. Për vlerën e detyrimit të mbetur prej 7 mijë euro nuk ka dokument provues se e ka shlyer vlerën?, ka thënë Hamiti në seancën dëgjimore.

Në përfundim Mustafaj u shpreh se ka humbur vendi, Gjykata Kushtetuese pasi sipas tij s’do të ketë në përbërje të saj një gjyqtar të ndershëm. Ai tha se ka mbështetur Vettingun dhe Reformën në Drejtësi, por deklaroi se kundërshton shkarkimin duke paralajmëruar ankimim./CNA.al

Karriera e gjyqtarit në pikëpyetje/ Pasuria ?fundos? Ilir Mustafajn?

Gënjeu për pasurinë/ Gjyqtari Ilir Mustafaj kapet mat nga Vettingu

Karriera e gjyqtarit në pikëpyetje/ Pasuria ?fundos? Ilir Mustafajn?





Lajmet e fundit nga