web counter
LEXO PA REKLAMA!

SHKARKO APP

App Store
Google Play

Meta tjetër mesazh Ramës/ Do mbash përgjegjësi para shqiptarëve

18 Korrik 2019, 09:16, Aktualitet CNA

Presidenti Ilir Meta në një prononcim për mediat nga Durrësi, i ka drejtuar sërish një apel kryeministrit Edi Rama që të reflektojë para datës 19 tetor, sepse sipas tij atëherë do jetë vonë.

I vetmi shqetësim sipas tij është 19 tetori, dhe se çfarë do t?u thuhet shqiptarëve.

Meta e ka cilësuar të domosdoshëm kalimin e provimit të vjeshtës, për të çelur negociatat e anëtarësimit në BE.

?Kalimi i provimit të vjeshtës është i domosdodoshëm.  Nuk e kalojmë dot këtë provim pa bërë zgjedhje demokratike dhe gjithëpërfshirëse. Nuk kalohet provimi me qoka.

Në vend që ta kishim gjetur një zgjidhje që në momentin e parë, që në datë 10 qershor kur firmosa dekretin për shfuqizimin e 30 qershorit.

Por, të paktën të mos humbasim kohë në vijim. Do vijë 19 tetori dhe shqiptarët nuk duan më justifikimet e askujt për të zhvilluar ping pongun e radhës. E vetmja datë që nuk vendos unë, janë 17 dhe 18 tetori. Ato janë të vendosura nga BE. Por në çdo moment, Rama është i mirëpriturm, me durim dhe shpresë për të dhënë një zgjidhje të përgjegjshme, se përndryshe kjo krizë do vazhdojë të përshkallëzohet?-tha Meta.

Po ashtu Meta paralajmëroi Ramën se nëse nuk kalohet provimi i vjeshtës, do mbajë përgjegjësi para shqiptarëve./ CNA.al





Lajmet e fundit nga