E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Sulmoi punëtorët që i prishën biznesin/ IKMT padit qytetarin

18 Korrik 2019, 16:50, Aktualitet CNA

Inspektoriati Kombëtar i Mbrojtjes së Territorit zhvilloi sot një aksionin në Ksamil për prishjen e një ndërtese ku hasi me rezitencën e pronarëve.

Situata agravoi edhe në përplasje fizike, ku banorët të revoltuar qëlluan me gurë xhamat e makinave të punonjësve të IKMT.

Pas këtij incidenti ka ardhur edhe reagimi i këtij institucioni ku nëpërmjet një postimi në rrjetet sociale sqaron se objekti ka qenë i ndërtuar pa leje, dhe se është ngritur edhe një padi penale për personin në fjalë lidhur me incidentin e sotëm.

?Nuk e kanë fajin as makinat e IKMT dhe as inspektorët e saj pse dikush kapet në shkelje të ligjit dhe pretendon se po i bëhet padrejtësi. IKMT do të vijojë punën e saj. Ftojmë qytetarët të bëhet pjesë e zgjidhjes për hapësirat e përbashkëta publike, jo pjesë e problemit?, shprehet IKMT.

Reagimi i plotë:
Sqarim rreth incidentit të ndodhur në Ksamil

Përgjatë paradites së sotme, në kohën kur Inspektorati Kombëtar i Mbrojtjes së Territorit, në funksion të detyrave dhe detyrimeve ligjore, ishte duke prishur një objekt pa leje në Ksamil me funksion shërbimi, ka ndodhur një incident. Një prej poseduesve të objektit, i është afruar makinës së IKMT tip furgon që gjendej e parkuar disi larg objektit, dhe e ka goditur me mjete të forta duke thyer dy xhamat e saj. Brenda makinës nuk ka patur asnjë person. Ai është ndaluar menjëherë nga forcat e policisë, nderkohë që IKMT ka kryer kallëzimin penal.
IKMT sqaron se ajo është në krye të detyrës, në zbatim të ligjit dhe në mbrojtje të territorit publik. IKMT ka përgjegjësitë e saj përpara ligjit dhe publikut. Po ashtu edhe qytetarët duhet të mbajnë përgjegjësitë e tyre para ligjit dhe bashkëqytetarëve. Nuk e kanë fajin as makinat e IKMT dhe as inspektorët e saj pse dikush kapet në shkelje të ligjit dhe pretendon se po i bëhet padrejtësi. IKMT do të vijojë punën e saj. Ftojmë qytetarët të bëhet pjesë e zgjidhjes për hapësirat e përbashkëta publike, jo pjesë e problemit./CNA.al