web counter
LEXO PA REKLAMA!

SHKARKO APP

App Store
Google Play

E fundit!

x

Pse mediat i mbajnë ison Erion Veliajt?

10 Korrik 2019, 09:26, Aktualitet CNA

Kryebashkiaku i Tiranës Erion Veliaj ka bërë zap edhe mediat.

Nëpërmjet pazareve, pjesa më me madhe e mediave i mbajnë ison Veliajt dhe heshtin për skandalet e tij.

Pjesa më e madhe e mediave që nuk kan si qëllim informimin e opinionit publik, transparencën, por biznesin dhe interesat e tyre, reklamojnë një Erion falso.

Për  rastin e Ardit Gjoklajt, ishte i pari është Vizion Plus me pronar ndërtues Tan Dulakun që bllokoi dokumentarin në vitin 2016.

Kujtojmë, se programi i Artan Ramës në Vizion Plus u anulua ditën që do të transmetonte investigimin, më 16 tetor, duke e lënë gazetarin pa punë, sipas raportimit nga Balkan Insight.

Në dokumentar ishin investiguar lidhjet e supozuara midis Bashkisë së Tiranës,  e kontrolluar nga kryebashkiaku socialist Erion Veliaj, dhe një kompanie ricikluese në landfillin e Sharrës, ku humbi jetën 17-vjeçari Ardit Gjoklaj.

Ison Veliajt i mban edhe Top Channel. Pronarja. Vjollca Hoxha është akuzuar shpesh mediatikisht për kioskat dhe tërë ditën i bën ?fresk? Veliajt, vetëm se nuk jep edhe kronikën që lali shkon në tualet dhe sa i lumtur është kur del prej aty.

Klani nuk duket se ka ndonjë propagandë të fuqishme pro Veliajt, por as nuk është se e ka sulmuar ndonjëherë. Vetëm emisioni ?Stop? është ai që shpesh herë ka pasur përplasje të forta më Bashkinë.

Më tej News 24, Panorama, Gazeta Shqiptare, pra mediat e Irfan Hysenbelliut, të cilat nuk shkruajnë kurrë kundër Erion Veliajt.

Për më tepër Veliaj gjeti gjuhën e bashkëpunimit me Irfanin, gjatë kohës që drejton Bashkinë e Tiranës, pasi bëri bllokimin e rrugës Panorama, ndërprerjen e qytetit, sepse rrezikonte jetën e njerëzve.

Bllokimi u bë në fillim nga Saimir Tahiri, kur në krye të Bashkisë ishte Lulzim Basha dhe më pas ishte ndërhyrja e Veliajt, dhe ndërtimi u krye.

Pra, të gjitha mediat kryesore, i bëjën fresk Veliajt,  përfshirë edhe një tjetër media me titra, Ora News, e cila pretendon se është zë opozitar.

Sulmet janë vetëm ndaj Edi Ramës, lavdet janë ndaj Lulit dhe ndaj Metës dhe në asnjë rast, në asnjë emision nuk sulmohet Erion Veliaj. Pra, thuajse si Top Channel.

Gazetat kryesore në vend, nuk kanë asnjë kritikë ndaj kryebashkiakut Veliaj.

Megjithëse Tirana është qyteti me mbi 1 milion banorë, pra ka banorë gati gjysmën e shqiptarëve në administrim, në katër vite nuk ka mbaruar dot një bulevard 1.9 kilometra dhe sot reklamon sikur çfarë ka bërë, sepse ka shkuar e ka mbjellë pemë, të cilat nuk janë me lekët e tij, por janë me lekët e kompanive private.

Pra, nuk ka bërë asnjë investim serioz në mandatin e tij të parë që të jetë në funksion të zhvillimit të qytetit.

Edhe bulevardi i madh që pretendohet, është një investim i filluar në kohën e Lulzim Bashës dhe kredia është firmosur nga kryeministri në atë kohë, Sali Berisha.

Nuk ka asgjë serioze në këto katër vite nga ky kryebashkiak, përtej sheshit “Skëndërbej”, në qoftë se do ta quajmë serioze, por që në fakt nuk është projekti i tij, por projekti i  Edi Ramës, edhe ai një projekt i gatshëm, me fondet e Qeverisë.

Prandaj, ai nuk ka çfarë të thotë. Nuk ka më me çfarë të mburret dhe çfarë të reklamojë.

Edhe shkollat që pretendoi se bëri Erion Veliaj apo rikonstruksionet e kopshteve dhe çerdheve janë investime të kompanive private.

Dhe është njeriu që ka vënë 8% taksë për ndërtimin dhe mbledh shumë herë më tepër të ardhura, ndërsa Tirana nuk po e ndien zhvillimin, por ka vetëm skandale dhe akuza ndaj kryebashkiakut.

Akuza të cilat mediat kryesore në vend nuk i japin. Ka ngelur CNA.al dhe ndonjë media tjetër që mund ta sulmojnë.

Për më tepër as mediat pranë Lulzim Bashës nuk e akuzojnë. As portalet pranë opozitës nuk e sulmojnë. Asnjëra prej tyre nuk ka akuza të mirëfillta apo investigime në lidhje me Bashkinë e Tiranës. Të gjitha mediat kanë heshtur. Edhe nga ata të mëdhenjtë, edhe nga mediat e opozitës edhe nga të vegjlit.

Erion Veliaj i ka blerë shumicën e mediave dhe i ka vënë nën kontroll, përfshirë këtu shumicën e mediave të Lulzim Bashës.

E ndërkohë që Edi Ramën, shumë nga këto media e sulmojnë, përmendim këtu News 24, emisioni i Krastës etj, të cilët kanë sulmuar kryeministrin. Në Open në Top Channel sulmohet kryeministri. Edhe Fiksi, edhe Stop, edhe në edicionet e lajmeve sulmohet kryeministri. Ndërsa Lali Eri ka vetëm lëvdata kudo./CNA.al

Shënim/ Kur do ta thotë Veliaj të vërtetën për vrasjen e Ardit Gjoklajt?  

Bastisja e Tiranës nga Erion Veliaj nuk njeh asnjë kufi

Foto-lajm/ Kur Erion Veliaj protestonte kundër socialistëve

Denoncon LSI/ Erion Veliaj ?zhduk? lulishten 1 Maji në kryeqytet

U refuzua nga qytetarët e Tiranës/ ?Zhduket? Erion Veliaj

Bulevardi i ri i Tiranës, fytyra e dështimit të Erion Veliajt

Pse tmerrohet Erion Veliaj nga vrasja e Ardit Gjoklajt





Lajmet e fundit nga