E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

“Fol me nipin, ai i hedh trutë Ramës”/ Deputeti “përplaset” me Fugën

10 Korrik 2019, 11:31, Aktualitet CNA

Akademiku Artan Fuga ka paraqitur në Komisionin e Medias projektin e tij për reformimin e Akademisë së Shkencave.

Fuga u përball në komision me anëtarin e këtij komisioni nga opozita e re, Halit Valteri, i cili it ha fugës që të mos flasë me askënd tjetër por direkt me nipin e tij, Endri Fuga meqë është edhe këshilltar për mediat i kryeministrit Edi Rama, pasi ai ndikon drejtpërdrejtë tek Rama.

Fuga deklaroi se nuk i ngatërron çështjet personale me ato prefesionale pasi këtu do kishim të bënim me një korrupsion pasiv.

Valteri: Kjo është Akademia e Shkencave dhe të mos bëjmë të njëjtin gabim që bë Rama që ta trajtojmë mazhorancë-opozitë. Nuk ke nevojë të thuash asgjë Eglantina Gjermenit, apo Lindita Nikollit. I vetmi njeri që i hedh trutë Ramës është nipi juaj. Fol me nipin dhe hajde të flasim për reformat. Ju e keni problemin familjar.

Fuga: Unë nuk i ngatërroj problemet familjare me ato të punës sepse kjo do të përbënte një korrupsion pasiv.

?Jam këtu pas një censurimi 10 vjecar, vij pas 10 vitesh përpjekje për reformimin e Akademisë se Shkencave. Shpresoj që këtu të dëgjohem dhe të mos ndërpritem, dua të them që në fillim se nuk kam asnjë interes personal në këtë çështje. Për të gjithë punën time nuk jam paguar asnjë lek.

Projektligji fatkeqësisht nuk vlerëson vlerat e komunitetit shkencor, është i dështuar, edhe si frymë edhe si mission. ASH ka provuar që nuk e bën dot këtë reformim, e ka të vështirë të reformojë vetveten. Asnjë mendim apo ide qe kam bere nuk është marrë parasysh nga ana e grupit te punes.

Çështja e Akademisë dhe reformimit të saj është bërë publike nga ana ime, unë e kam hapur këtë problem. Të gjitha propozimet e mia janë censuruar, në 2017 u bën zgjedhje në akademi me rezultatin 100 %.

Me atë projektligj asnjë nga kuotat nuk është arritur, aq më pak të bëhet fjalë për rithemelim. Në 16 janar 2018, ngrihet grupi i punës me 7 persona, të cilët përfaqësojnë vetem një vijë. Nuk ka të jashtëm në këtë grup, janë të gjithë anëtarë të Akademisë,”-ka thënë ndër të tjera Fuga./CNA.al