web counter
LEXO PA REKLAMA!

SHKARKO APP

App Store
Google Play

Ahmetaj komenton përgjimet/ Janë probleme tranzicioni

10 Korrik 2019, 13:25, Aktualitet CNA

Ish-ministri i Financave, Arben Ahmetaj ka komentuar sot përgjimet e publikuara nga gazeta gjermane Bild, në lidhje me dosjet 184 dhe 339.

I ftuar në rubrikën Opinion në Neë24, Ahmetaj i konsideroi ato si fenomene tranzicioni, të cilat sipas tij gjejnë zgjidhje me përmirësimin e Kodit Zgjedhor.

Ahmetaj gjithashtu përsëriti ftesën për dialog pa kushte me opozitën.

?Ka probleme në procese zgjedhore, nisi buja ka dalë në përgjim kryeministri. Por ishte biseda më normale e një kryetari partie, për koordinatorin. Damian Gjiknuri thoshte po transportojmë votuesit në kllapa ju të mediave u shtuat paratë. Ka fenomene? Po ka është Ruzhdia e Gërdeci.

Është gabim, është fenomen tranzicioni, ju e kuptoni që kanë dalë të burgosur nga burgu. Këto janë fenomene tranzicioni që duhen përmirësuar Kodin Zgjedhor. Patjetër që ka fenomene, e duan përmirësuar. ? tha Ahmetaj.

Më tej, ai tha se nxit Prokurorinë të hetojë mbi këto dosje.

?A ka një dosje hetimore, që vijon hetimi. Në të gjitha emisionet i kam kërkuar, aq sa më takon mua, i kam kërkuar Prokurorisë t?i avancojë, dhe personat që kanë shkelur ligjin të marrin atë që meritojnë. Reflektimi politik, është të thuash po! Ne kemi vënë re në 30 vite fenomene specifike të izoluara që kanë potencial për të deformuar votën, hajde të ulemi në tryezë e të rregullojmë Kodin Zgjedhor.

Reflektimet në një forcë politike i sheh në normalitet ditë pas dite, javë pas jave. Patjetër që nuk ka punë njeri me shefin e policisë, unë s?ja u di numrat, emrat. Policia bën punën e vet, sa më larg të rrimë aq më mirë i bëjmë vendit. Ne kemi punë me votuesit, alternativën tonë. ? u shpreh Ahmetaj.





Lajmet e fundit nga