web counter
LEXO PA REKLAMA!

SHKARKO APP

App Store
Google Play

E fundit!

x

PD thirrje të fortë gjykatësve/ Zbatoni ligjin, mos bini pre e kërcënimeve

10 Korrik 2019, 12:51, Aktualitet CNA

Sekretari i Përgjithshëm i PD-së, Gazment Bardhi ka ripërsëritur sot qëndrimin e opozitës, në lidhje me zgjedhjet vendore të 30 qershorit.

Në një deklaratë për mediat nga selia blu, Bardhi i cilësoi zgjedhjet e 30 qershorit, si votime moniste, të cilat sipas tij nuk u bënë në funksion të demokracisë dhe as të interesit publik.

Më tej, Bardhi theksoi se dekretet e presidentit Ilir Meta janë ende në fuqi, deri në momentin që do të vendosë Gjykata Kushtetuese.

Por, në mungesë të Gjykatës Kushtetuese, sipas Bardhit në lidhje me mandatet e kryebashkiakëve të zgjedhur në 30 qershor, mund të vendosë çdo gjykatë në vend.

Sekretari i Përgjithshëm i PD-së, iu bëri thirrje gjyqtarëve të mos bien pre e kërcënimeve me vetting, por të zbatojnë ligjin.

?Askush nuk mund të thotë se votimet moniste të 30 qershorit janë bërë në funksion të demokracisë dhe interesit publik. Në lidhje me dekretet e presidentit, e vetmja që mund të vendosë për ligjshmërine apo jo të tyre është Gjykata Kushtetuese.

Sipas ligjeve të vendit, që një Kryebashkiak të marrë detyrën, mandati i tij duhet të vërtetohet nga gjykata, nëse është marrë në përputhje me Kushtetutën, nëse është fituar apo jo në zgjedhje të organizuara në mbështetje të Dekretit të Presidentit.

Nëse gjyqtarët do të tregojnë integritet, do t?i binden ligjit dhe nuk do t?i nënshtrohen kërcënimeve me veting apo me mjete të tjera mafioze, të përdorura më parë nga Edi Rama, vendimi i tyre është shumë i thjeshtë: të respektojnë kompetencën kushtetuese të Presidentit për të shpallur datën e zgjedhjeve.

Gjyqtarët, ku kandidatët e votimeve të shfuqizuara me dekretin e Presidentit, do të paraqiten për të marrë mandatin e paligjshëm, kanë dy mënyra për të mbrojtur shtetin e së drejtës nga sundimi mafioz i një personi të vetëm.

1.   Të mos japin mandatet, duke vërtetuar pavlefshmërinë e 30 Qershorit.

2. Të pezullojnë gjykimin, për shkak se çështja nuk mund të zgjidhet para se Gjykata Kushtetuese të vendosë për dekretet e Presidentit të Republikës.

Sa kohë Gjykata Kushtetuese nuk është shprehur, Dekretet e Presidentit të Republikës janë në fuqi dhe të detyrueshme për zbatim.?-tha ndër të tjera Gazment Bardhi.

Deklarata e plotë e Bardhit:

Të dashur bashkëqytetarë!

Këmbëngulja kriminale e Edi Ramës për të zhvilluar votimet e paligjshme dhe antikushtuese të 30 Qershorit e ka çuar vendin 30 vjet mbrapa, në prag diktature, ku çdo pushtet e ka nën kontrollin një njeri i vetëm.

Sot, askush nuk mund të pohojë se votimet e 30 qershorit ishin demokratike, se ato respektuan Kushtetutën, respektuan të drejtën e qytetarëve për të zgjedhur dhe u kryen në funksion të interesit publik.

Me pohimin se ?Gjykata Kushtetuese është i vetmi institucion që mund të bëjë vlerësimin e kushtetueshmërisë së Dekretit të Presidentit?, Misioni i ODIHR-it, i ka vënë 30 Qershorit, de fakto, vulën e paligjshmërisë.

Si një vend me kornizë ligjore kushtetuese demokratike, ekziston akoma mundësia që votimet e 30 qershorit të refuzohen edhe ?de juro? si të paligjshme. Këtë mund ta bëjnë gjykatat në të gjithë Shqipërinë.

Të nderuar qytetarë!

Sipas ligjeve të vendit, që një Kryebashkiak të marrë detyrën, mandati i tij duhet të vërtetohet nga gjykata, nëse është marrë në përputhje me Kushtetutën, nëse është fituar apo jo në zgjedhje të organizuara në mbështetje të Dekretit të Presidentit.

Nëse gjyqtarët do të tregojnë integritet, do t?i binden ligjit dhe nuk do t?i nënshtrohen kërcënimeve me veting apo me mjete të tjera mafioze, të përdorura më parë nga Edi Rama, vendimi i tyre është shumë i thjeshtë: të respektojnë kompetencën kushtetuese të Presidentit për të shpallur datën e zgjedhjeve.

Gjyqtarët, ku kandidatët e votimeve të shfuqizuara me dekretin e Presidentit, do të paraqiten për të marrë mandatin e paligjshëm, kanë dy mënyra për të mbrojtur shtetin e së drejtës nga sundimi mafioz i një personi të vetëm.

1.   Të mos japin mandatet, duke vërtetuar pavlefshmërinë e 30 Qershorit.

2. Të pezullojnë gjykimin, për shkak se çështja nuk mund të zgjidhet para se Gjykata Kushtetuese të vendosë për dekretet e Presidentit të Republikës.

Sa kohë Gjykata Kushtetuese nuk është shprehur, Dekretet e Presidentit të Republikës janë në fuqi dhe të detyrueshme për zbatim.

Kushdo që pohon të kundërtën, nxit anarkinë, nxit vetëgjyqësinë, nxit anormalitetin.

Këta gjykatës kanë dorë të vendosin nëse shqiptarët do të kenë mundësi të nisin së shpejti bisedimet për anëtarësim me Bashkimin Europian apo do të jenë njerëz të izoluar, që jetojnë në një diktaturë të re në shekullin e 21.

Kjo është pengesa e fundit institucionale mes demokracisë dhe diktaturës! Është pengesa e fundit institucionale që Edi Rama të marrë nën kontroll të plotë, me votime të paligjshme, edhe hallkën e fundit të pushtetit në vend, pushtetin lokal.

Ne nuk kemi për ta lejuar kurrë që kjo të ndodhë, por mënyra për ta ndaluar me sa më pak kosto për vendin është që gjyqtarët t?i binden ligjit dhe të bëjnë drejtësi përmes ligjit.?/ CNA.al





Lajmet e fundit nga