web counter
LEXO PA REKLAMA!

SHKARKO APP

App Store
Google Play

U dërgoi letër ambasadorëve/ Voltana Ademi merr përgjigjen e parë

10 Korrik 2019, 12:59, Aktualitet CNA

Kryetarja e Bashkisë, Voltana Ademi, ka falenderuar Ambasadorin e Italisë, Alberto Cutillo, i cili është i vetmi që i është përgjigjur letrës që ajo u dërgoi ambasadorëve dy ditë më parë.

Ndër të tjera, Ademi, shprehet se në takim ka qenë bashkë me kreun e bashkisë Mallakastër dhe atë të bashkisë së Kamzës ku kanë biseduar mbi shqetësimet që bashkitë e djathta kanë.

Postimi i plotë i Voltana Ademit

Falenderoj përzemërsisht Ambasadorin e Republikës së Italisë në vendin tone SHT Z. Alberto CUTILLO për përgjigjen ndaj letrës që unë, si kryetare e Bashkisë dhe qytetare e Shkodrës, i dërgova si përfaqësues i një vendi mik dhe me lidhje të ndërsjellta shekullore.

Në Ambasadën e Republikës së Italisë me Z. Ambasador, bashkë me kolegët z. Agron Kapllanaj kryetar i Bashkisë Mallakastër dhe z. Xhelal Mziu, kryetar i Bashkisë Kamëz, zhvilluam një bisedë tejet konstruktive, ku përcollëm të gjitha shqetësimet tona tashmë të njohura e publike. Gjetëm vëmendjen e tij të plotë për çfarë diskutuam dhe çeshtjet e rëndësishme që ngritëm për funksionimin normal të sistemit demokratik në përgjithësi dhe të qeverisjes vendore në veçanti./CNA.al





Lajmet e fundit nga