web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e publikuara nga Bild/ Damian Gjiknuri justifikon pazaret

26 Qershor 2019, 12:20, Aktualitet CNA

Kreu i PS-së për qarkun e Vlorës, Damian Gjiknuri, ka folur për herë të parë lidhur me përgjimet e publikuara nga e përditshmja gjermane Bild mbi dosjen 184.

Gjiknuri ka qenë i përfshirë në bisedat telefonike të këtyre përgjimeve për zgjedhjet e pjesshme lokale në Dibër të 11 Shtator të 2016.

Ish-ministri i Infrastrukturës, në një intervistë për televizionin ?6 Plus 1 Vlora? ka thënë se në bisedat e tij nuk ka asgjë antiligjore.

Pjesë nga intervista e Damian Gjiknurit

Nga pikëpamja ligjore, këto janë copëza përgjimesh, nuk e di autencitetin e një pjese të këtyre përgjimeve por mund të ndalem dhe në ndonjë prej tyre. Unë po flas për dosjen 184 meqenëse dhe interesi i shikuesve tuaj mund të jetë aty.

Nëse ti bën përgjim të bisedave private të njerëzve mund të dalë dhe ndonjë fjalor i papërshtatshëm por në fund të fundit biseda është private. Politikani gjykohet nga veprimet që bën në publik, jo ato që thotë në bisedat e tij private. U përdor këtu dhe një shkallë tjetër e denigrimit të njerëzve, e papërshtatshme dhe e paparë në një shtet normal demokratik.

Qartazi duket se kemi të bëjmë me një skenar të ndyrë për të bërë pis Shqipërinë në dyert e Europës duke përdorur dhe media ndërkombëtare. Dosjen e ka prokuroria, le ta hetojë dhe ti shkojë procesit deri në fund. Me ato çka janë publikuar dhe i kanë parë gjithë shqiptarët, nuk ka asgjë që mund të më shqetësojë mua personalisht apo Partinë Socialiste se ka kryer ndonjë krim elektoral./CNA.al





Lajmet e fundit nga