E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Faktet që nxjerrin "zbuluar" Bashën/ Pse beteja e tij nuk është për zgjedhje të lira

26 Qershor 2019, 10:44, Aktualitet CNA

Kryetari i Partisë Demokratike, Lulzim Basha i braktisi përfundimisht zgjedhjet lokale, i bojkotoi, dhe nga një kauzë për zgjedhje administrative e ktheu në një kauzë politike.

Prej rreth katër muajsh, ai dogji mandatet e deputetëve dhe nuk hyri në zgjedhjet lokale, me argumentin se Edi Rama i vidhte votat apo do t?i blinte ato. Dhe në fund ?shpërtheu? me një dosje të publikuar në gazetën gjermane ?Bild?.

Dosja 184, një dosje e njohur dhe e përfolur nga vetë Lulzim Basha, e një ngjarjeje të ndodhur në zgjedhjet e pjesshme në Dibër, në vitin 2016.

Por në fakt Lulzim Basha e kishte amnistuar sepse në zgjedhjet e vitit 2017, ai pas një marrëveshje me Ramën hyri në zgjedhje, mori gjysmën e qeverisë dhe humbi turpshëm.

Por, dosja 184 u harrua. Ai nuk tha asnjë fjalë për Edi Ramën, nuk tha asnjë fjalë për drogën, nuk tha asnjë fjalë për korrupsionin e qeverisë, as për dosjen 184, as për shit-blerjen e votave, e cila kishte ndodhur vetëm disa muaj më parë.

Lulzim Basha i harroi të gjitha, vetëm e vetëm të shkonte në ?shtratin? e Edi Ramës dhe të bashkëqeveriste me të.

Më tej, nxori edhe një dosje tjetër. Dosjen 339 për shit-blerjen e votave në Durrës, ku Edi Rama tërhoqi më në fund Vangjush Dakon, i cili vazhdimisht kishte qënë një mburojë për Partinë Socialiste, një hambar votash. Për çdo akuzë, Dako në 2007 mundi me rreth 400 vota kandidatin e atëhershëm të PD-së dhe në 2011, “shpartalloi” Fredinand Xhaferrin, apo në 2015-ën, ku fitoi me rreth 15 mijë vota përballë Grida Dumës.

Gjithësesi, Dako nuk është më në garë. Një zonjë kandidoi Edi Rama. Por, edhe këtë radhë Lulzim Basha nuk hyri në zgjedhje. Nuk hyri në Durrës, ku mund të fitonte një nga bashkitë bastion të Partisë Demokratike, e cila ishte harruar.

Nga ana tjetër në dy vite nuk bëri asgjë për Reformën Zgjedhore. Asnjë fjalë, e harroi atë, ashtu siç shkoi në zgjedhjet e vitit 2017, ku çdo ditë i thuhej e njëjta gjë. Duhet Reforma Zgjedhore.

Por, Basha mjaftoi që u ul në një takim me Ramën, firmosi marrëveshjen me të dhe hyri në zgjedhje, pa Reformë Zgjedhore.

Në dy vite, nuk ka thënë asnjë fjalë për Reformën Administrative, e ka lënë, e ka braktisur atë, sepse në fakt Basha nuk kërkon të fitojë zgjedhjet. Basha do zgjedhje në tavolinë, ai nuk ka hallin e demokratëve apo të një rajoni të caktuar, sesi mund të zhvillohet ai më mirë dhe si mund të përfitojnë qytetarët nga ndarja administrative, për të çuar më shumë sherbime tek ta.

Por, Lulzim Basha mendjen e ka të fitojë zgjedhje në tavolinë. Nuk pranon, nuk lufton dhe nuk zhvillon asnjë betejë morale apo politike në lidhje me ndarjen administrative, në lidhje me Kodin Zgjedhor, sistemin elektoral, reformën kushtetuese, të cilat të gjitha së bashku mund t?i sigurojnë opozitës fitoren në zgjedhje, apo një përfaqësim më dinjitoz dhe jo shit-blerjen e votës. Shtigjet e të cilave, vetë Lulzim Basha i ka lënë të hapura, dhe i ka përdorur në 2011-ën, kur u zgjodh kryetari i Bashkisë së Tiranës.

Ka mjaft fakte, të cilat tregojnë ndryshe nga çfarë flet vetë kreu i PD-së, sepse sot ka të njëjtën gjuhë që kishte në çadër në vitin 2017. Pra, të njëjtin artikulim politik si para dy vitesh. Por, shkoi u ?puth? me Ramën dhe gjithçka e braktisi, ashtu sikur ka për ta braktisur edhe në ditët në vijim./ CNA.al