E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Ku ka vërtetë zgjedhje në 30 qershor?!

26 Qershor 2019, 09:41, Aktualitet CNA

Edhe pak ditë, pra edhe rreth 72 orë na ndajnë nga mbyllja finale e asaj që mund të quhet fushatë elektorale në Shqipëri.

Fushatë për zgjedhjet vendore, ku nuk u ka pa asnjë platformë për vendorët, por vetëm u bë një politikë në qendër, ku Lulzim Basha prej tre muajsh lufton dhe në fund ka siguruar karrigen e kryetarit dhe i ka bashkuar të gjithë rreth vetes. Dhe Edi Rama, që reziston dhe e ka kuptuar mjaft mirë lojën e Bashës, i cili nga një betejë për zgjedhjet lokale, e ka kthyer në një lojë politike, për kokën e tij.

Por, përtej lëvizjes ?Rama ik?, lëvizja e Lulzim Bashës katandisi në ?zgjedhje s?ka në 30 qershor?.

Në fakt në 30 qershor, ashtu siç pretendon Basha, mund të mos ketë zgjedhje në disa zona, ai mund t?i shkatërrojë ato në disa bashki, të paktën kështu edhe u udhëzua.

Por, zgjedhje do të ketë, sepse nuk ka një kandidat të vetëm. Ka disa kandidatë, ka disa alternativa dhe në shumë nga këto bashki, kandidatët janë emra të spikatur dhe njerëz me kontribute të mëdha në PD.

Për shembull në Tiranë kandidon Arben Skënderi, një nga ish-bashkëpunëtorët e ngushtë të Lulzim Bashës dhe kryetar departamenti. Një njeri i shkolluar jashtë dhe një djalë me kapacitete të shkëlqyera intelektuale. Një njeri me vlera qytetare kandidon përballë Erion Veliajt, ?vrasësit? të Ardit Gjoklajt, i shumëakuzuari për korrupsion, shkatërrim të Tiranës dhe betonizim të saj.

E pra, Arben Skënderi është një zgjedhje e duhur për kryeqytetin dhe për qytetarët e Tiranës, shumë herë më e mirë sesa Erion Veliaj.

Nga ana tjetër Valbona Sakollari. Një vajzë intelektuale nga Durrësi, garon përballë Valbona Sakos, së PS-së. Dy emra, dy zonja që kandidojnë në këtë qytet, ku durrsakët mund të zgjedhin mes dy alternativave.

Po të shkojmë më tej në Vlorë, ish-sekretarja e PD-së për organizatat partnere, Valbona Mezini kandidon përballë Dritan Lelit. Me një fushatë model, ku Valbona po troket derë më derë, me ekipin e saj dhe ka një grup energjik, më të madh se vetë PD-ja lokale.

Më tej mund të shkojmë në Korçë, ku një nga emrat e spikatur. Një nga njerëzit më publik të Partisë Demokratike dhe më aktiv në media, Leonard Olli. Ish-kryetari i Këshilltarëve të PD-së në Bashkinë e Tiranës, ish-kandidat për deputet i PD-së në 2013-ën. Një nga emrat e fortë që ka bërë beteja politike me qeverinë dhe kryebashkiakun e Tiranës, kandidon përballë Sotiraq Filos.

Ndërkohë, në Bashkinë e Dibrës kandidon Shkëlzen Qoka. Prej 28 vitesh ai është pjesë e politikës dhe për shtatë vite ka drejtuar forumin rinor të PD-së e më pas kryetar i komunës Muhurr, zgjedhur nga PD.

Pra, sollëm si shembuj disa bashki. Këto janë rreth 5, 10, 15 bashki apo 30, por ka zgjedhje.

Ka zgjedhje në shumë prej tyre sepse kandidojnë njerëz me vlera qytetare, kandidojnë njerëz me kapacitete intelektuale. Kandidojnë familjarë dhe njerëz të cilët janë vlera për qytetin, janë menaxherë që mund ta zhvillojnë më tej një rajon të caktuar.

Prandaj dhe vërtetë në 30 qershor zgjedhje do të ketë në shumë bashki në Shqipëri, dhe megjithëse priten edhe ?surpriza? shumë nga demokratët do të shkojnë të votojnë. Jo sepse i tremb Edi Rama, jo sepse nuk i lejon Lulzim Basha, por sepse kanë në garë përfaqësuesit e tyre, të cilët ata i njohin dhe i mbështesin jo vetëm si qytetarë, por edhe si intelektualë që duhen votuar dhe mbështetur në këtë garë./ CNA.al