E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Nga dënimet për agjitacion e propagandë në KLP/ Ish sigurimsja me pasuri përrallore

26 Qershor 2019, 09:19, Aktualitet CNA

Këshilli i Lartë i Prokurorisë është institucioni më i kontestuar, i prodhuar nga reforma në drejtësi.

Shkak për këtë kontestim, është përbërja e tij me anëtarë që vijnë nga nëntoka me një të kaluar të errët, që vijnë nga lidhjet e ngushta me politikën apo me anëtarë që s’kanë kaluar ende Vettingun.

Reforma në drejtësi është vënë në pikëpyetje, pikërisht për shkak të anëtarësisë së KLP, apo dhe klaneve të krijuara në atë institucion.

Nurihan Seiti, anëtare e KLP-së, rezulton me të kaluar të errët. Konfirmimi ka ardhur nga Autoriteti i Dosjeve, pas verifikimit të funksionarëve më të lartë të shtetit dhe pas verifikimit të njerëzve që kanë zënë institucionet e drejtësisë.

Anëtarja e KLP-së, Nurihan Seiti, sipas Autoritetit për Informimin, mbështetur mbi dokumentat e ish Sigurimit të Shtetit, rezulton të ketë marrë pjesë, si prokurore në procese politike.

Para pak kohësh, kryetarja e Autoritetit të Dosjeve raportoi në Kuvend në lidhje me këtë rast dhe jo vetëm.

Në fjalën e saj, Gentjana Sula konfirmoi se dy anëtarët të KLP-së Bujar Sheshi dhe Nurihan Seiti, kanë qenë pjesë e strukturave famëkeqe, por sipas saj AIDSSH vetëm informon se institucionet dhe nuk ka kompetenca për të vendosur largimin e tyre.

E pyetur se si e gjykon që në organet drejtuese të drejtësisë së re kemi dy anëtare të ish-sigurimit, përkatësisht Bujar Sheshi, bashkëpunëtor i Sigurimit të Shtetit dhe Nurihan Seiti që ka dënuar për agjitacion dhe propagandë qytetarët shqiptarë, Sula u përgjigj: ?Institucioni jonë ka si detyrë informimin. Në vendimin e kemi marrë, e kemi çuar në organet përkatëse?

CNA.al ka marrë të dhënat e pasurisë së deklaruar nga Nurihan Seiti pranë ILDKPKI-së, rezulton se të gjithë pasurinë e patundshme e ka deklaruar në emër të bashkëshortit.

Kështu ka deklaruar pasuri të paluajtshme, zyrë me sipërfaqe 20 m2, Tiranë, vlera 22 000 dollarë si dhe një tokë arë 500 m2, në Yzberisht,Tiranë, që vlen 148 500 lekë.

Në vitin 2013 bashkëshorti i Seitit, ka prenotuar një apartament dhe vendparkim, në Tiranë. Vlera e apartamentit shuma 27.037 euro dhe vlera e parkimit 14.000 euro.

Në vitin 2015 ka deklaruar prenotimin e një apartamenti, me sip 111.01 m2. Vlera e apatamentit, shkon në 166.515 euro. 123.000 euro, deklaron se janë paguar me klering nga firma.

“Burimi i krijimit të shumës së paguar (15.000 euro) është nga kursime nga puna dhe emigractoni Greqi 2000- 2008. Per pagesën e Kleringut burimi nga puna ime si avokat, pranë kësaj firme nga viti 2012-2017”, thuhet në formularët e deklarimit të pasurisë në emër të bashkëshortit.

Më poshtë po sjellim të detajuar pasurinë e deklaruar nga anëtarja e KLP-së, Nurihan Seiti.

Viti 2018 (Deklarata fillestare)

Paga e b/shortit në hipotekë nga data 25 nëntor deri me 19 dhjetor 2018.(paga mujore neto 70.000 lekë). Në total, 15.000 lekë.

Paga e djalit nga data 2 maj 2018 deri me 19 dhjetor 2018. (paga mujore neto 70.000 lekë). Në total, 490.000 lekë.

Paga e vajzës, 30 nëntor deri në 19 dhjetor 2018 në Ministrinë e Brendshme. (paga mujore neto 58.500 lekë).

Kredi konsumator, detyrim i mbetur deri në datë 958.707.25 lekë.

Bashkëshorti:

Pasuri e paluajtshme, zyrë me sipërfaqe 20 m2, Tiranë, vlera 22 000 dollarë.

Burimi i krijimit nga shitja e apartamentit në Fier, të përfituar nga privatizimi. Shuma e përfituar nga shitja e apartamentit 2.000.000 lekë, pjesa tjetër nga të ardhurat nga puna ime dhe e bashkëshortes. Subjekti prokurore në Prokurorinë Fier nga shtator 1987 deri në shtator 1999. Puna ime nga 1985-1987 komandat kufiri në Sopik,Gjirokastër. Nga viti 1989 -1992 ekonomist në shkoIlën industriale Fier, nga viti 1992-1996 emigrant në Greqi, dhe nga viti 1996- 2000 jurist i Alpetroli, Fier. Periudha nga viti 2000-2008 emigracion me kohë të shkëputur në Greqi.

Tokë arë 500 m2, në pronësinë time, ndodhur në Yzberisht,Tiranë, vlen 148 500 lekë.

Akt mareveshje për prenotim apartamenti, datë 24.7.2015, në emrin tim, me sip 111.01 m2. Vlera e apanamentit, shuma totale 166.515 euro. Burimi i krijimit 70% e vlerës së apartamentit, shuma 123.000 euro, pagesë klering nga firma. Deri në këtë moment është paguar shuma 15.000 euro prej meje dhe detyrimi i mbetur për t’iu paguar ndaj firmës është në shumën 28.015 euro.

Burimi i krijimit të shumës së paguar (15.000 euro) eshtë nga kursime nga puna dhe emigractoni Greqi 2000- 2008. Per pagesën e Kleringut burimi nga puna ime si avokat, pranë kësaj firme nga viti 2012-2017.

Automjet tip Benz, në pronësi në shumën 5 000 euro. Burimi i krijimit nga kursimet dhe puna në emigracion deri në vitin 2008.

Kontratë sipërmarrje për prenotim apartamenti dhe vendparkimi, kontrata me date 10.9.2013, vendodhja Tirane. Vlera e apartamentit shuma 27.037 euro dhe vlera e parkimit 14.000 euro.

Detyrim i mbetur ndaj firmës, shuma 14.000 euro është vlera e vendit të parkimit.

Paga ime në hipotekën qendrore Tiranë nga data 25 nëntor 2018 15.000 lekë. (paga mujore neto 70.000 lekë).

Detyrim ndaj shoqërisë INTER CO-SAT, për prenotimin apartamentin, 28.015 euro.

Detyrim i mbetur ndaj shoqërisë, prenotuar për vend parkimi, 14.000 euro.

Llogari page, gjendje me 19.12.2018 shuma, 209.140 lekë.

Paga ime pranë firmës M&D nga data 2 maj 2018 deri me 19 dhjetor 2018, në 490.000 lekë. (paga mujore neto 70.000 lekë).

Kredi detyrim i mbetur deri në date 19 dhjetor 2018, kap vlerën 400.000 lekë, marrë për shpenzime konsumi.