E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Skandal/ Ministrja nga Kosova po saboton ikjen jashtë të maturantëve

26 Qershor 2019, 10:14, Aktualitet CNA

CNA.al në vazhdimësi ka denoncuar vonesat e qëllimshme të organizuara nga Ministria e Arsimit, gjatë korigjimit të testeve të provimit të maturës.

Çdo rezultat provimi është dhënë me porosi të nxirret në harkun kohor dy javor që me justifikimin e rezultaveve, maturantët të pengohen të arrijnë të aplikojnë në kohë për studime në shtete të tjera.

Kujtojmë që për dërgimin e aplikimeve në universitete të huaja, çdo maturant duhet të kapë afate limit të mbërritjes së dosjeve të aplikimit në rrugë postare brenda mesit të Korrikut.

Sot jemi 26 Qershor dhe vetëm dje në mbrëmje vonë, më në fund doli rezultati i provimit të dytë të gjuhë-letërsisë, i cili është zhvilluar me datë 12 Qershor.

Por, me sa duket surprizat nuk paskan të mbaruar këtë vit për maturantët shqiptare.

Dje, pas daljes së rezultateve dhe sot gjatë gjithë ditës, kanë vijuar informacionet që mbërrijnë në CNA.al, nga prindër, mësues (edhe nga mssues qs kans qens pjesë e ekipeve të korigjimit të testeve), dhe nga maturantë.

Së pari testi i gjuhës ka patur në përmbajtje të vetë pyetje që kanë qenë mbi programin mësimor të miratuar nga Ministria e Arsimit për ciklin e mesëm të Përgjithshëm.

Së dyti, pasi vonesat në korigjim janë parë si të pamjaftueshme, pasi testet korigjoheshin nga mësuesit, përfaqësues të Drejtorise Arsimore rikalonin në duar testet dhe ulnin pikë të tjera nga vlerësimi i bërë nga mësuesit.

Kjo sjellje e paprecedentë, nuk është e paqëllimshme. Nuk kemi të bëjmë thjeshtë me një grup inatçor që për shkak të notës së vet në maturë, tani ka rastin të hakmerret me gjithë maturantët.

Ne besojmë se ky është një proces i qëllimtë, që synon prishjen e mesatarëve të maturantëve (kryesisht në Tirane) për t’i dhënë edhe një ditë të fundit, pengimit të tyre për largim nga Shqipëria për studime në universitete të huaja.

Kosovarja e Ramës po ul traun e doganës për maturantët shqiptare. Dhe këtë po e bën me qetësinë e njeriut që nuk ka asnjë lidhje me ta. Ata nuk votojnë për të në datë 30 Qershor.

Ata s’kanë votuar asnjëherë për të.

Ata në çdo rast nuk kanë për ta votuar ndonjëherë.

Ajo as nuk kandidon as ka për të kandiduar kurrë për t’u kërkuar votën.

Ajo nuk ka asnjë lidhje me sensibiletet që prek. Nuk është as njeri politik e as person teknik.

Misioni i saj është i pashpallur asnjëherë dhe nuk do ketë rast të shpallet dikur.

Është modeli i njeriut anonim që të bën gjëmën atëherë kur nuk e pret.

Dhe largohet pa e brejtur ndërgjegjja. Thjesht po saboton të ardhmen e maturantëve. Asaj të tashmen dhe të ardhmen ia shkruajnë të tjerë.

Skenari i nisur me provimin e Gjuhë Letërsisë. Nuk është çudi të vazhdojë edhe me provimin e matematikës. Dhe me provimin e lëndës me zgjedhje.

Por, ato surpriza maturantët do i marrin pas datës 30 qershor.

Pasi të kenë votuar. Që ta ndjejnë mirë talljen.

Dy herë përpara datës 30 qershor dhe dy herë të tjera pas asaj date.

Në 30 Qershor të shkojnë një herë të votojnë. Që cinizmi i Rilindjes t’u hyjë në palcë.