"Përgjegjës për shkatërrimin e PD"/ Taulant Balla sulmon Lulzim Bashën

26 Qershor 2019, 11:48, Aktualitet CNA

Kreu i grupit parlamentar të Partisë Socialiste, Taulant Balla, ka qenë sot në një takim elektoral që kanë zhvilluar me banorët e Shirgjanit në Elbasan.

Balla ka thënë se 30 qershori do të jetë një ditë e qetë ku triumfon demokracia.

Lidhur me situatën aktuale në vend dhe bojkotimin e zgjedhjeve nga ana e opozitës joparlamentare, kreu i grupit parlamentar të PS akuzoi kreun e PD, Lulzim Basha, se është përgjegjës për shkatrrimin e Partisë Demokratike.

Sipas Ballës, Partia Demokratike është partia e dytë, më e madhe në vend, dhe shumë shqiptarë kanë investuar besimin e tyre te kjo parti ndërsa sulmon Bashës duke e bërë përgjegjës për rrënimin e saj.

Postimi i plotë i Taulant Ballës

30 Qershori është dita kur flet populli, partitë presin verdiktin e sovranit

Zhvilluam një takim me banorë të Shirgjanit në Elbasan ku diskutuam se pse të gjithë dihet të shkojnë në zgjedhje, pasi do të jetë një ditë e qetë ku triumfon demokracia.

U ndalëm tek disa investime të domosdoshme për këtë zonë, ndër rruga Kuqan-Jagodinë-Kryqëzimi i Belshit, një kërkesë e vazhdueshmë e banorëve të kësaj zone, procedurat për ndërtimin e së cilës do të nisin menjëherë pas zgjedhjeve. Por nuk u la pa përmendur as puna e bërë për kanalet vaditëse, kulluese, rrugët e arave etj.

Po ashtu heqja e TVSH-së për imputet bujqësore dhe subvencionet në bujqësi janë një premtim i mbajtur tha Balla, ndërsa duhet të vijojmë përpara me rrugën e nisur:

?Dëshira e ime dhe të gjithëve ne, do të ishte se gjatë këtij takimi të diskutonim vetëm ato që janë problemet reale të komunitetit ku jemi apo të gjithë zonave tona.

Kemi një betejë për të fituar në 30 Qershor, është beteja përfundimtare për tu ndarë një herë e mirë nga Sali Berisha, Lulzim Bashën, Ilir Metën dhe Monika Kryemadhin. Janë këta të katër që për herë të parë i kemi përballë, e që duhet të fitojmë një betejë të vështirë, por më të rëndësishme në gjithë këtë vite.

Thirrja ime është që patjetër që duhet të shkojmë në votime, patjetër që duhet të marrim pjesë në zgjedhje. Kujtdo që do të tentojë qoftë edhe përpjekjen më të vogël të pengojë zhvillimin normal të zgjedhjeve, ligji do të jetë shumë i ashpër, i fortë, për të treguar se shteti në Shqipëri funksionon. Para dy viteve kemi marrë besimin tuaj për tre gjëra kryesore, për shtet, punë, mirëqenie.

30 Qershori ka për të qenë një ditë e qetë, pavarësisht se çfarë thonë, se haberi nga partnerët e Shqipërisë u ka shkuar ashtu si duhet, në 30 Qershor nuk ka burrë nëne që të pengojë shqiptarët të votojnë.

30 Qershorin nuk e luan as topi, 30 Qershori qëndron aty, shqiptarët do të votojnë, nga këto zgjedhje do të dalin autoritetet e reja vendore, qoftë Gledi Kryetar Bashkie, qoftë Këshilli i ri Bashkiak, me qëllim që ne të vijojmë punët e nisura.

Shqipëria do të ecë përpara, pengimi i zgjedhjeve, dalja nga parlamenti është përpjekja e fundit e katërshes, për të penguar rrugën europiane të Shqipërisë, për të penguar reformën në drejtësi, nuk ka asnjë arsye tjetër nga e gjithë kjo pëprjekje për të dalë nga sistemi nga ana e këtyre të katërve.

Ne e dimë rrugën që do të ecim, rruga jonë është drejt Europës. Lulzim Basha mban përgjegjësinë e rëndë për shkatërrimin e një prej aseteve më të rëndësishme politike, në këto 28 vite, PD, e cila ka qenë partia e dytë më e madhe në vend pas PS. Është një parti tek e cila një pjesë e shqiptarëve kanë investuar shpresën, besimin, kanë investuar votën e tyre.?

Kandidati Gledian Llatja në plaftormën e tij qëverisëse për 4 vitesh e ardhshme gjithashtu i ka kushtuar një pjesë të madhe të vëmendjes fshatit. Madje ai synon që disa komptenca t?i delegojë tek kryetarët e Njësive Administrative, në mënyrë që shërbiumi të jetë më pranë qytetarit./CNA.al