web counter
LEXO PA REKLAMA!

SHKARKO APP

App Store
Google Play

E fundit!

x

Manjani thirrje politikës/ Largohuni nga llogoret e 30 qershorit

26 Qershor 2019, 13:53, Aktualitet CNA

Ish ministri i Drejtësisë, Ylli Manjani ka reaguar përmes një postimi në rrjetet sociale, ku shkruan se Shqipëria sot ka nevojë më shumë se kurrë për tolerancë.

Sipas Manjanit pala që duhet të investojë më shumë për të arritur këtë fazë është qeveria dhe kryeministri, Edi Rama i cili e ka për detyrë të mos përplasë popullin e tij.

Më tej Manjani shton se palët duhet të tërhiqen nga llogoret e 30 qershorit dhe të bien dakord për një datë tjetër, ku shqiptarët të votojnë në paqe.

Postimi i plotë

Këto ditë janë mundësia më e madhe që kanë në dorë udhëheqësit e këtij vendi të tregojnë TOLERANCË.

Në fakt kjo situatë tejkalohet më së pari me TOLERANCË.

Qeveria, më konkretisht Edi Rama, e ka për detyrë të tregojë tolerancë. Është Kryeministër dhe si i tillë ka detyrë të mos përplasë popullin e tij, pavarësisht bindjeve politike.

Opozita ka detyrë të dëshmojë tolerancë, pa qenë e nevojshme të heqë dorë nga beteja politike. Por më së pari paqja sociale është detyrë numër 1 e politikës.

Lutem e njëkohësisht kërkoj nga politika TOLERANCË! Le të mos e respektojnë njëri-tjetrin, por duke lëshuar nga pak kontribuojnë për paqe…

Zgjidhje ka plot, por si fillim duhet tërheqje nga llogoret absurde të datës 30.

Pse do mos e zhvendosim këtët datë një ditë tjetër ku të gjithë të shkojmë e të votojmë paqsisht?!

Toleroni o njerëz, se nuk jemi në luftë me njëri-tjetrin!/CNA.al

 





Lajmet e fundit nga