web counter
LEXO PA REKLAMA!

SHKARKO APP

App Store
Google Play

Topollaj zbulon "blofin" e Presidentit/ Sot edhe Meta e njohu 30 qershorin

25 Qershor 2019, 06:46, Aktualitet CNA

Fabian Topollaj, anëtar i bordit drejtues të Bindjes Demokratike, ka komentuar deklaratën për mediat të presidentit Ilir Meta.

I ftuar në Vizion Plus, Topollaj theksoi se ajo që bëri sot Meta, ishte veçse një tentativë për të korrigjuar aktin e tij, ndërsa theksoi se nuk ka tërheqje nga 30 qershori.

Sipas Topollajt, fakti që presidenti ska lënë datë tjetër është tregues që ai është tërhequr nga anullimi i 30 qershorit.

Edhe pse Presidenti i cilësoi si të paligjshme zgjedhjet e 30 qershorit, Topollaj tha se në fakt, Meta vetëm sa tregoi që nuk do të shkojë të votojë, njëlloj sikur do bëjë një pjesë e opozitës apo edhe bashkëshortja e tij.

Sa i takon vendimit të Metës për të çdekretuar datën e zgjedhjeve, Topollaj tha se vetëm sa e thelloi krizën.

?Ajo që bëri Meta nuk i qetësoi palët, sot jemi para faktit të kryer se palët janë më të ndara. Ajo që sot bëri presidenti ishte veçse një përpjekje për të ndrequr aktin e tij, që rezultoi të ishte një hedhje benzine zjarrit. Duke thënë që vetëm nuk i njeh zgjedhjet, thjeshtë ai nuk do dalë të votojë në 30 qershor, sikurse do bëjë një pjesë e opozitës apo edhe bashkëshortja e tij. ?-tha Topollaj.

Gjithashtu ai u shprej se ?Unë mendoj se 30 qershori do jetë një ditë normale, ku ata që mendojnë se duhet të votojnë do të shkojnë të votojnë dhe askush nuk mund ti pengojë. Kjo është e drejtë kushtetuese. Askush nuk mund të më ndalojë mua të shkoj dhe të votoj kundër Erion Veliajt apo kësaj mazhorance që po keqqeveris?./ CNA.al





Lajmet e fundit nga