web counter
LEXO PA REKLAMA!

SHKARKO APP

App Store
Google Play

E fundit!

x

Deklarata bombë e kryebashkiakut/ "Nuk do lejoj zgjedhje, në 30 Qershor do hyj në burg"

24 Qershor 2019, 20:36, Aktualitet CNA

Çfarë do të ndodh me 30 Qershorin e çdekretuar me Dekret të presidentit të Republikës, Ilir Meta, si datë e mbajtjes së votimeve? Çdo të ndodh me 26 bashkitë e administruara nga opozita, e cila ka paralajmëruar nepërmjet ultimatumit se nuk do lejoj mbajtjen e procesit?

Bashkë me kryebashkiakët Voltana Ademi dhe Fran Frrokaj, përkatësisht drejtues të bashkive Shkodër e Lezhë, pjesë e të ftuarve të emisionit “360gradë” të mbrëmjes së sotme është edhe Agron Kapllanaj, kryebashkiaku i Mallakastrës.

Ndërkohë që Ademi e Frrokaj përsëritën moslejimin e mbajtjes së votimeve të dielën, në deklaratën e tij Kapllanaj ishte më radikal, duke bërë deklaratën bombë.

” Në datën 30 unë dua të futem në burg. Nuk do të lejoj zgjedhje në Mallakastër sepse do të zbatoj ligjin. Do të zbatoj Dekretin e Presidentit. Le të vijnë të më fusin në burg. E kam për nder të bëj burg për të ruajtur demokracinë. Për të mos lejuar të kthehet diktatura në këtë vend. Dhe unë vij nga një familje që na kanë futur në burg madje na kanë pushkatuar për diktaturën”,- artikuloi Kapllanaj. Që në një ndërhyrje të dytë lidhur me këtë çështje, deklaroi:

“…Ne do të pamundësojmë votimet në Mallakastër. Të gjitha qendrat e votimeve janë pronë e Bashkisë. do të jenë kyçur. Nuk do të ketë asnjë qendër hapur. Do të zbatojmë dekretin e Presidentit”./CNA.al





Lajmet e fundit nga