web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Juristes: Vajtja në zgjedhje me pasoja juridike

24 Qershor 2019, 20:14, Aktualitet CNA

Dekreti i firmosur nga presidenti Ilir Meta për çdekretimin e datës 30 Qershor, si ditë të mbajtjes së votimeve për pushtetin vendor, dhe pasojat që sjell mosbindja ndaj këtij akti ka qenë një tjetër mikrotemë brenda temës qendrore të emisionit “360gradë”.

Duke komentuar aktin presidencial dhe mospërfilljen e tij nga ana e Kryeministrit  etj., juristja Margarita Kola ka vlerësuar se Dekreti çdekretues i Ilir Metës e ka fshirë 30 Qershorin si ditë të mbajtjes së votimeve. Për pasojë të gjitha subjektet që po bëhen gati për të organziuar votime do të kenë pasoja juridike.

“KQZ është komision veprimtaria e të cilit rregullohet nëpërmjet Kodit Zgjedhor. Veprimtarinë e Presidentit të Republikës nuk e rregullon Kodi Zgjedhor, por Kushtetuta. Kodi Zgjedhor buron nga Kushtetuta. Në momentin që ka një Dekret të Presidentit që çfuqizon datën e caktuar prej tij presupozohet se praktikisht  nuk ka datë zgjedhjesh. Nuk duhet të mbahen zgjedhje. Jemi në situatën juridike kur nuk kemi një datë zgjedhjesh. Ka një hierarki të vendimeve dhe normave. Prezumimi që ka zgjedhje është i gabuar. Kur nuk kemi zgjedhje nuk mund të kryejmë asnjë veprim që ka pasojë juridike. Çdo subjekt që po ndërmerr hapa për të shkuar në zgjedhje ka pasoja juridike, kështu thotë ligji”,- ka artikuluar juristja e mirënjohur Margarita Kola./CNA.al





Lajmet e fundit nga