web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detajet ligjore/ Ndryshohet ligji i dekriminalizimit, për prishjen e zgjedhjeve

24 Qershor 2019, 09:21, Aktualitet CNA

Kanë mjaftuar dy artikulime të kryeministrit Edi Rama në Sarandë, në Tepelenë e Gjirokastër, për të çuar socialistët drejt një nisme të re ligjore.

Kryeministri artikuloi publikisht se personat të cilët shkatërronin zgjedhjet dhe dëmtonin proçesin zgjedhor nuk do të ishin më kurrë pjesë e administratës. Kjo sipas ligjit të dekriminalizimit, i cili ka për personat e dënuar një kufi prej 10 vitesh, për të mos punuar në administratë dhe për të mos pasur të drejtën për t?u zgjedhur.

Ligji i dekriminalizimit, në fakt është propozuar nga opozita dhe miratuar me konsensusin e mazhorancës socialiste, por që tashmë duket se do të pësojë ndryshime të njëanshme.

Por, vështirë se Partia Demokratike dhe aleatët e saj t?i kontestojnë këto ndryshime. Ato janë thjeshtë shtimi i një pike, ku personat që dëmtojnë procesin zgjedhor, nuk do të munden kurrë të përfshihen në administratë, për të gjithë jetën.

Nga burime zyrtare brenda Partisë Socialiste mësohet se një grup deputetësh dhe ekspertësh ligjorë të mazhorancës po përgatitin detajet dhe propozimet ligjore, të cilat më pas do t?i propozohen nga grupi parlamentar i PS-së, komisioneve parlamentare dhe më pas do të kalojnë për t?u miratuar në parlament, për të pasur një shtesë në ligjin e dekriminalizimit, i cili do të ndalonte përjetësisht për të punuar në administratë persona të cilët dhunojnë, dëmtojnë apo shkatërrojnë proçesin zgjedhor./ CNA.al





Lajmet e fundit nga