web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Metës/ Përplasje në komisionin e Ligjeve

24 Qershor 2019, 09:10, Aktualitet CNA

Në Komisionin e Ligjeve po diskutohet lidhur me shkarkimin e presidentit Ilir Meta ndërsa ka patur një përplasje mes deputetit të opozitës parlamentare Ralf Gjoni si dhe deputetit të PS Bashkim Fino.

Gjoni ka thënë se kërkesa për shkarkimin e Presidentit është shumë e nxituar ndërsa Fino është shprehur se vendimi i Metës përbën shkelje të Kushtetutës.

Kërkesa për shkarkimin e Metës është nënshkruar nga 55 deputetë të Kuvendit. Kjo kërkesë që po  shqyrtohet nga Komisioni i Ligjeve në Parlament lidhet me vendimin e dekretit të Presidentit i cili anuloi datën e zgjedhjeve. Këtë vendim të kreut të shtetit, mazhoranca e quajti absolutisht të pavlefshëm dhe e kundërshoti me forcë deri në atë pike sa filluan procedurat për shkarkimin e tij nga post ii Presidentit, pasi, sipas tyre, kishte shkelur Kushtetutën.

Deputeti i Grupit Parlamentar të Pavarur, Ralf Gjoni tha se kërkesa për shkarkimin e Metës është e nxitur dhe më shumë po përdoret për të bërë zhurmë mediatike.

?Mendoj se është i nxituar vendimi për të shkarkuar presidentin, pasi ende nuk kemi të bëjmë me një akt për të delegjitimuar Parlamentin. Mua më duket se kjo procedurë shkarkimi është një lojë politike që ju po bëni dhe është e pabazuar në Kushtetutë. Është një lojë që po hapet për të bërë zhurmë mediatike?, u shpreh Gjoni.

Por deputeti i PS, Bashkim Fino theksoi se vendimi i Metës përbën shkelje shumë të rëndë të Kushtetutës.

?Presidenti ka marrë një copë letër, ka shkruar çfarë ka dashur dhe i ka vendosur emrin dekret?, tha ai. Ajo që më bën përshtypje është letra që presidenti i ka dërguar Kuvendit të Shqipërisë për argumentet e ç?dekretimit. Gjuha e përdorur prej tij është ironike, paragjykuese dhe hipokrite. Jemi përpara një shkelje të nenit 92 të Kushtetutës dhe me dhimbje kemi marrë këtë masë që po ia paraqesim Parlamentit?, tha Fino./CNA.al





Lajmet e fundit nga