E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Ekskluzive-Një milioner kandidat për kryeprokuror/ Zbardhet pasuria e Lulzim Alushajt

30 Maj 2019, 10:09, Aktualitet CNA

Katër janë kandidatët për Prokuror të Përgjithshëm, Arta Marku, Fatjona Memçaj, Olsian Çela dhe Lulzim Alushaj.

Tre të parët vijnë nga organi i akuzës, ndërsa Alushaj vjen nga radhët e avokatëve.

Arta Marku e cila mban aktualisht postin e Prokurores së Përgjithshme të përkohshme, konsiderohet si kandidatja e Partisë Socialiste, pasi ishin deputetët e Rilindjes që mes tymit dhe flakadanëve e vendosën në atë post.

Fatjona Memçaj, konsiderohet si pjesë e “klanit Llalla”, pasi lakohet si bashkëpunëtorja e ish Prokurorit të Përgjithshëm, që aktualisht është nën hetim.

Avokati Lulzim Alushaj, është lakuar si kandidati i drejtuesve të Top Channel, Vjollca Hoxha dhe Ben Blushi, dhe që është i preferuari i një pjese të Rilindjes.

Ndërsa Olsian Çela, duket se i ka shmangur klanet qoftë në drejtësi apo dhe në politikë.

CNA.al ka bërë një vëzhgim në aspektin profesional por edhe të pasuror për të katër kandidatët.

Kandidatet Arta Marku dhe Fatjona Memçaj e kanë kaluar Vettingun, megjithatë do të bëhen verifikime për kohën pas Vettingut.

Ndërkaq, kandidati Olsian Çela pritet të dalë para KPK-së, në muajin Qershor, pasi raportet nga ILDKP dhe Shërbimet sekrete janë dorëzuar tek Komisioni i Vettingut. Gjithashtu edhe Lulzim Alushaj, do të kalojë në filtër në muajin Qershor.

Në aspektin e pasurisë, tre kandidatët Arta Marku, Fatjona Memçaj dhe Olsian Çela rezutojnë me të ardhura vetëm nga paga. Ndërsa kandidati Lulzim Alushaj i tejkalon në këtë aspekt.

CNA.al ka siguruar ekskluzivisht deklaratën e pasurisë së kandidatit Lulzim Alushaj.

Ky i fundit, rezulton se ka dy apartamente, një në Orikum dhe tjetrin ne Tiranë që kushton 117 000 00 euro, dy autovetura dhe një motor.

Gjithashtu ai deklaron katër llogari rrjedhëse në euro dhe lekë, ku vlera më e lartë është 114 112,93 euro. Më tej ai ka deklaruar gjashtë burime të ardhurash.

Pasuria e deklaruar nga Lulzim Alushaj

Apartament banimi (1/10 e pasurisë), me sipërfaqe 74.10 metra katrorë në Orikum, si trashëgimi ligjore. Shtesë në anë të këtij apartamenti, e cila është në proces legalizimi.

Ai thotë se nuk e disponon vlerën e apartamentin, me arsyetimin se është shtëpia e lindjes dhe se nuk e kanë vlerësuar asnjëherë.

Apartament banimi, me supërfaqe 200 metra katror, në Tiranë, me një vlerë prej 117 000 00 euro. Ai thotë se janë paguar paradhënie 20 000 00 euro, ndërsa pa dhënë janë 97.000 00 euro.

Autoveturë, Touareg, viti i prodhimit 2004, blerë në vitin 2016, në shumën 6 000 00 euro.

Autoveturë, Benz, ML, viti i prodhimit 2001, blerë në vitin 2012 dhe që kushton 2 500 00 euro.

Motor Yamaha X, viti i prodhimit 2012, blerë në vitin 2017 dhe që kushton 2 500 00 euro.

Llogari rrjedhëse, 984,50 euro dhe 29 060 lekë.

Llogari rrjedhëse biznesi 114 112,93 euro dhe 41 636 lekë.

Llogari rrjedhëse biznesi, 17 455,30 euro dhe 47 118 lekë.

Llogari rrjedhëse, bashkëmenaxhim, 9,85 euro dhe 6 966 lekë.

2011-2014, i punësuar si pedagog i jashtëm pranë Universitetit “Marlin Barleti”, me të ardhura, 215 890 lekë.

Shtator 2009-Gusht 2011, i punësuar si avokat në studion ligjore “Ferreti & Ippolito”, me atë ardhura, 1 500 000 lekë.

Shtator 2011, në vijim i punësuar si avokat CMS, Adonnino Ascoli & Cavasola Scamoni Laë Firm, me të ardhura, 10 054 261 50 lekë.

Tetor 2018, vijim i punësuar, pedagog i brendshëm, Universiteti i Shkodrës, Fakulteti i Drejtësisë, me të ardhura 420 000 lekë.

Viti akademik 2018-2019, ekspert në programin e formimit vazhdues, shkolla e magjistraturës, me të ardhura 55 000 lekë.