web counter
LEXO PA REKLAMA!

SHKARKO APP

App Store
Google Play

Opozita dorëzon listën me emrat për KZAZ/ Tensione në Shkodër dhe Gjirokastër

31 Maj 2019, 09:11, Aktualitet CNA

Edhe pse disa ditën më parë, KQZ refuzoi kërkesën e PD-së dhe LSI-së, për të dërguar komisionerë në KZAZ për zgjedhjet vendore të 30 qershorit, sot këto dy forca politike kanë dëruar anëtarët e tyre në KZAZ-të e Shkodrës dhe Gjirokastrës.

Por, kjo ka sjellë tensione në këto qendra, sepse janë refuzuar listat e PD-së dhe LSI-së.

Në Gjirokastër KZAZ me nr.78 ka refuzuar të regjistrojë listat e komsionerëve të PD dhe LSI, të cilat janë paraqitur nga kreu i PD në Gjirokastër, Dash Aliko.

Sipas Report TV, kreu i KZAZ ka argumetuar veprimin e tij duke thënë se nuk mund të pranohen listat e subjekteve që nuk regjistruar në zgjedhje, në përputhje edhe me vendimin e marrë nga Komisioni Qëndror Zgjedhor.

E njëjta situatë ka ndodhur edhe në KZAZ në Shkodër, ku janë refuzuar listat e komsionerëve të PD.

Sipas Kodit Zgjedhor sot është edhe afati i fundit për dorëzimin e komisionerëve, por nga ana tjetër KQZ vendosi se nuk do të pranojë komisionerët e opozitës pasi subjektet që nuk janë në garë për zgjedhjet e 30 qershorit nuk mund të regjistrohen.

Kodi Zgjedhor tregon se sot është afati i fundit për dorëzimin e listave për komisionerë nëpër qendrat e votimit, por KQZ e refuzoi kërkesën e opozitës pasi PD dhe LSI nuk janë subjekt zgjedhor, dhe nuk do të marrin pjesë në zgjedhje.

Tre ditë më parë PD dhe LSI u ankuan për këtë gjë në Kolegjin Zgjedhor./CNA.al





Lajmet e fundit nga