web counter
LEXO PA REKLAMA!

SHKARKO APP

App Store
Google Play

KSSH dënon dhunën ndaj mjekëve/ Të rritet siguria në spitale

31 Maj 2019, 09:28, Aktualitet CNA

Konfederata e Sindikatave të Shqipërisë ka reaguar në lidhje me dhunën ndaj mjekëve në Spitalin e Elbasanit.

Në një deklaratë për mediat, KSSH apelon që të rritet siguria në ambientet spitalore.

?Shefi i Urgjencës Elbasan, Halit Kondraçiu, dhe mjekja Arba Hasa janë përballur me aktet agresive të një pacienti, i cili ka ushtruar dhunë ndaj tyre mbrëmjen e së enjtes.

Konfederata e Sindikatave të Shqipërisë solidarizohet me mjekët e dhunuar dhe vijon të apelojë se panorama e sigurisë në spitale duhet të ndryshojë urgjentisht.

Edhe këtë herë Policia Private dështoi të ofrojë siguri për mjekët e Elbasanit, madje pacienti arriti deri aty sat ë kundërshtonte dhe forcat e rendit që erdhën ta arrestonin. Rastet e dhunës ndaj mjekëve po kthehen në një fenomen shqetësues.?-thuhet në reagim.

Më tej, KSSH thekson se dinjiteti i mjekut është i nëpërkëmbur nëse atij nuk i ofrohet siguria, ndaj Ministria e Shëndetësisë dhe Ministria e Brendshme duhet të përshpejtojnë procedurat që siguria e spitale publike ti kalojë Policisë së Shtetit.

Konfederata e Sindikatave të Shqipërisë ka propozuar që siguria e spitaleve ti kalojë nën patronazh ish ushtarakëve apo edhe policëve në lirim, të cilët do ofronin më shumë siguri se pensionistët e policisë private, të cilëve kompanitë nuk u paguajnë as sigurime as pagën minimale./ CNA.al





Lajmet e fundit nga