web counter
LEXO PA REKLAMA!

SHKARKO APP

App Store
Google Play

E fundit!

x

Rekomandimi i KE për negociatat/ Reagon LSI

29 Maj 2019, 13:04, Aktualitet CNA

Nënkryetari i Lëvizjes Socialiste për Integrim, Luan Rama ka reaguar në lidhje me rekomandimin e KE-së për hapjen e negociatave me Shqipërinë.

Në një deklaratë për mediat, Luan Rama tha se KE thjesht rekomandoi hapje të negociatave me Shqipërinë, ndërsa prioritetet mbetet lufta ndaj krimit dhe korrupsioni.

 ?Për negociatat vjet u bë festë dhe nuk kishte asnjë përgjigje pozitive. KE thjesht dha rekomandim e kjo nuk është një gjë e re. Opozita madje ndaloi protestat dhe sërish nuk kishte hapje negociatash. Në shtator të vitit të kaluar, opozita u kthye në Kuvend, donte një pakt kombëtar për integrimin europian të vendit sepse përmbushja e kësaj pike është strategji kombëtare.?-tha Luan Rama.

Gjithashtu, ai u shpreh se mazhoranca ka refuzuar bashkëpunimin kombëtar me opozitën për integrimin europian të vendit.

?Qeveria nuk pranoi frymën e bashkëpunimit dhe kompromisit. Kjo mazhorancë e pengoi frymën bashkëpunuese dhe sabotoi procesin integrimin e vendit.  Qeveria sabotoi integrimin për në BE për shkak të korrupsionit dhe krimit të organizuar. Qeveria po dëshmon se nuk ka prioritet integrimin europian të vendit, por ka agjendë tjetër nga agjenda kombëtare e integrimit europian të Shqipërisë.  Në rekomandim theksohet se Shqipëria duhet të vazhdojë luftën ndaj krimit dhe korrupsionit, por edhe të arrijë një kompromis kombëtar për integrim?, deklaroi Luan Rama./CNA.al





Lajmet e fundit nga