web counter
LEXO PA REKLAMA!

SHKARKO APP

App Store
Google Play

Mbyllet Java Europiane/ Soreca jep lajmin e mirë për shqiptarët

11 Maj 2019, 12:56, Aktualitet CNA

Sot u mbyll Java Europiane në Shqipëri, në kuadër të së cilës janë bërë një sërë aktivitetesh, ku fokus kanë qenë të rinjtë.

Aktiviteti i fundit, u zhvillua në bashkëpunim me Federatën Shqiptare të Volejbollit, ku ishte i pranishëm edhe ambasadori i BE-së në Tiranë, Luigi Soreca.

Soreca u shpreh se gjatë kësaj jave ka pasur fatin për të takuar shumë të rinj shqiptarë që i kanë lënë shumë mbresa.

Ndërsa iu drejtuar të rinjve si qytetarët të ardhshëm të BE-së, Soreca tha se negociatat me BE do të hapen shumë shpejt.

“Nuk mund ta kishim mbyllur më bukur, me mesazhin e angazhimit,  pasionit për të ardhmen, sepse ju të rinjtë jeni e ardhmja e Shqipëri dhe si ambasador  i BE them se  ju do të jeni qytetarët e ardhshëm e Europës. E them seriozisht që kjo gjë do të ndodhë shumë shpejt. Nuk e mbaj mend numrin e aktivitetet që janë zhvilluar në kuadër të javës Europiane. Gjatë kësaj jave, kam pasur mundësinë që të takohem me mijëra të rinj dhe dua të them që më kanë lënë shumë mbresa. Rinia dhe e ardhmja e tyre është shumë e rëndësishme dhe ne duhet të bëjmë të pamundur për t’i përgatitur ato për të ardhmen”, tha Soreca./ CNA.al





Lajmet e fundit nga