web counter
LEXO PA REKLAMA!

SHKARKO APP

App Store
Google Play

Shkrirja e Akademisë/ Ish-deputetja demokrate shpërthen në akuza

11 Maj 2019, 11:53, Aktualitet CNA

Ish-deputetja e PD-së, Albana Vokshi, ka reaguar lidhur me projektin për shkrirjen e Akademisë së Shkencave të Shqipërisë.

Sipas saj, Rama po përgatitet të shkrijë Akademinë, si një shërbim i fundit që po u bën qarqeve anti-shqiptare. Për t?ia arritur qëllimit, sipas saj, Rama po përdor marionetën e tij (ministren e arsimit, Besa Shahini) dhe deputetë, të cilët Vokshi i quan injorantë dhe ilegjitim.

Çdo gjë po zhvillohet në mënyrë të fshehtë, – shkruan Vokshi në rrjetet sociale, – në shkelje të procedurave dhe ligjeve. 

Postimi i plotë i Albana Vokshit

Edi Rama po përgatit projektin për shkrirjen e Akademisë së Shkencave.

Per tja arritur këtij qellimi, po perdor marionetën e tij në krye të Ministrisë së Arsimit dhe deputetë injorantë apo ilegjitimë. Në mënyrë të fshehtë, pa transparencë, pa marrë mendimin e askujt, në shkelje të procedurave dhe ligjeve, me draftin e propozuar të ligjit për Akademinë e Shkencave, po i paraprin idesë për shkrirjen e një ndër institucioneve më të rëndësishme për të vërtetën shkencore dhe interesave kombëtarë.

Pasi ka shkatërruar politikën, ekonominë, kulturën, arsimin, zgjedhjet, drejtësinë, pasi ka kapur të gjitha pushtetet, tani kërkon të shkatërrojë edhe akdeminë dhe shkencat shqiptare.

Me një urrejtje patologjike ndaj popullit të tij, me kompleksin ndaj dijes dhe intelektualëve, të gjitha projektet e tij synojnë shkatërrimin e cdo gjëje që ruan dhe trashëgon identitetin shqiptar, sic është edhe rasti i Akademisë së Shkencave.

Me këtë veprim, Kryeministri në ikje po u kryen shërbimin e fundit qarqeve anti-shqiptare për të eleminuar Akademinë e Shkencave në Shqipëri, plani i nisur që para dy vitesh, kur kërcënoi me heqjen e fondeve dhe shkrirjen e Akademisë së Shkencave.

Të ngrihemi të gjithë në këmbë të ndalojmë planin ogurzi të Edi Ramës për zhdukjen e institucioneve pjesë e identitetit kombëtar shqiptar??

#Protesto#PërMrojtjen#Identitetin#Kombëtar





Lajmet e fundit nga