web counter
LEXO PA REKLAMA!

SHKARKO APP

App Store
Google Play

E fundit!

x

Distancohet deputeti antiBasha / Nuk beson as tek opozita e re, as tek maxhoranca

18 Prill 2019, 19:06, Aktualitet CNA

Në seancën e sotme Plenare të Kuvendit deputeti i listës së PD-së, Lefter Maliqi, i cili ishte i pari që shkeli urdhërin Basha dhe pranoi mandatin e djegur nga Astrit Veliaj, e rreshtoi veten tek të paangazhuarit.

Ai refuzoi të ishte pjesë e grupit të ri parlamentar të deputetëve të tjerë të listës së PD-së, sikurse nuk pranoi të ishte pjesë as e grupit të LSI-së, apo ti bashkëngjitej grupit të maxhorancës.

Përtej të majtës e të djathtës politike, ky është pozicioni që mbajti deputeti, duke vijuar të bëj realitet deklarimin e tij mediatik se ka hyrë në Parlament si deputet i listës së PD-së, por do të vijoj të mbrojë në Kuvend interesat e votuesve të të gjithë krahëve politik.

Në finale të riformatimit të grupeve të reja parlamentare të seancës së sotme, Maliqi zgjodhi të ishte deputet i pavarur. Lidhur me këtë qëndrim të tij, CNA.al, i kërkoi deputetit antiBasha të prononcohej lidhur me këtë qëndrim të vetin dhe nga rrjedh mosrreshtimi me asnjërin nga grupet politike parlamentare.

“E vërtetë që nuk besoj as tek opozita e re parlamentare e as tek maxhoranca. Për këtë arsye do e vendos votën time në shërbim të votuesve të të gjitha ngjyrave politike. Pa asnjë dallim. Do të jem zeri i tyre në Kuvend dhe në realitetin e përditshëm”,- është shprehur Maliqi për CNA.al.





Lajmet e fundit nga