web counter
LEXO PA REKLAMA!

SHKARKO APP

App Store
Google Play

Gent Malko debate me Bashën në Këshillin Kombëtar

18 Prill 2019, 17:21, Aktualitet CNA

Pasditen e sotme kreu i PD-së, Lulzim Basha, ka mbledhur Këshillin Kombëtar të PD-së ku janë miratuar tre propozimet e dala nga mbledhja e Kryesisë, që u zhvillua në mesditë.

Gjatë mbledhjes Basha ka pasur një debat me anëtarin e Këshillit Kombëtar të PD-së, Gent Malko, i cili i ka drejtuar kryetarit Lulzim Basha tre pyetje.

Pyetja e parë e Malkos ka qenë: A keni hequr dorë nga qëndrimi për të hyrë në zgjedhje me Ramën kryeministër?

Kësaj pyetje Basha i është përgjigjur në mënyrë të tërthortë se PD nuk do të hyjë në zgjedhje me Ramën kryeministër dhe nuk do të hyjë pa u plotësuar kushtet nga opozita. Ndërsa nuk dukej shumë i sigurtë për përgjigjen e dhënë.

Pas përgjigjes, jo të plotë, që mori në pyetjen e parë Malko i ka drejtuar Bashës pyetjen e dytë: A do të ulesh në tryezë bisedimi për zgjidhjen e krizës me Ramën?

Në këtë pyetje Basha, njëjtë si në përgjigjen e parë, është sorollatur në përgjigjen e tij dhe më pas është shprehur se do të shohë mundësitë që do ti jepen duke mohuar uljen në tryezë bisedimi me Ramën.

Burime të CNA.al bëjnë me dije se pyetja e tretë e Malkos ka qenë: A do uleni në një tryezë bisedimi për zgjidhjen e krizës me Ramën së bashku me përfaqësues të deputetëve të rinj të PD, duke qenë së Znj. Hajdari e ka hedhur këtë propozim.

Në përgjigje të kësaj pyetjeje Basha është treguar më i prerë, duke u shprehur se deputetët e rinj nuk janë pjesë të PD-së dhe PD nuk ka asnjë deputet në Kuvend. /CNA.al

Basha kërkon marrëveshje me partitë opozitare/ Kushtet për të hyrë në zgjedhje





Lajmet e fundit nga