“Basha nuk bëhet kurrë lider”/ Spiropali: Lanë kokrrën e namit

14 Prill 2019, 17:43, Aktualitet CNA

Minsitrja e shtetit për Mardhëniet me Parlamentin, Elisa Spiropali, në një video në rrjetet sociale ka komentuar oprotestën e zhvilluar ditën e djeshme nga opozita.

Sipas Spiropalit, dje u dogj shpresa e të paktëve që besonin se Lulzim Basha dhe Monika Kryemadhi luftojnë për ionteresat e popullit.

?Protesta e opozitës nuk na mësoi kurrgjë , përveç se na përsëriti atë që dinim qysh prej ditës së parë: Kush tenton t?i vërë zjarrin këtij vendi, arrin vetëm të digjet vetë. Dje u dogj edhe më keq shpresa e të paktëve që besonin se Sali Berisha, Luzim Basha dhe Monika Kryemadhi luftojnë trimërisht për interesat e popullit dhe jo për pushtetin e tyre të humbur. Pa asnjë ide tjetër për post shkatërrimit dhe asnjë qellim tjetër përveç shantazhimit të shumicës me ura zjarri në gju dhe në duar, këta udhëheqës të diskredituar me një çetë punonjës të bashkive të djathta dhe më një grusht të rinjsh të verbuar nga propaganda e tyre e dhunës dhe e sherrit lanë kokrrën e namit në atë që trumbetuan si ditën e ikjes së Edi Ramës dhe Qeverisë?,-tha Spiropali.

Spiropali gjatë fjalës së saj nuk kurseu edhe Lulzim bashën për të cilin deklaroi se nuk bëhet kurrë lider.

?Mësynë bulevardin, kryeministrinë dhe Parlamentin e Shqipërisë si një trup pa kokë, pa sy, lëshuan piskamën e ngjirura nga fyti i liderit, që lider kurrë nuk bëhët dhe e mbyllën me turp duke dhunuar policinë dhe duke i vënë zjarrin pronës publike e asaj private. Për disa orë rresht forcat e policisë u sulmuan nga kapsolla, zjarr dhe benzinë dhe u plagosën pabesisht nga këtë të çoroditurit. Shërim të shpejtë efektivë që iu ra taksirati i përballjes me këtë udhëhumburit në theqafjen e tyre politike dhe morale. Respekte për profesionalizimin e Policisë së ShtetiT që bën dallimin nga shteti dhe anti shteti?,-u shpreh ajo.

Më tej në mbyllje të fjalës së saj Spiropali e quajti Bashën humbës pa fantazi.

?Vetëm një humbës pa fantazi si Lulzim Basha, mund të mendojë se do te rikthehet në qeverinë e çadrës së diellit duke shumëzuar çadrat e shiut! Një gjë të mos e harrojë askush. Me kapsolle e me zjarre nuk merret pushteti, por vetëm damka e të paaftit për të parë, dëgjuar e menduar, por me këta ose pa këta, hyjnë në zgjedhje s?hyjnë në zgjedhje, ne do të fitojmë jo për vete, por për Shqipërinë që duam?,-përfundoi Spiropali./CNA.al