web counter
LEXO PA REKLAMA!

SHKARKO APP

App Store
Google Play

E fundit!

x

Opozita proteston sot para Kryeministrisë/ Çfarë pritet të ndodhë

13 Prill 2019, 06:51, Aktualitet CNA

Opozita e Bashkuar do të zhvillojë sot një protestë kombëtare, përpara Kryeministrisë.

Ndryshe nga herët e tjera, tubimi do të mbahet në orën 18:00, dhe ende nuk dihet se sa do të zgjasë.

Opozita ka deklaruar se kjo do të jetë një nga protestat më të mëdha kombëtare kundër qeverisë ?Rama?.

Opozita e cilëson mazhorancën socialiste ilegjitime, e cila sipas saj ka ardhur në pushtet me votat e blera me paratë e krimit. Ata kërkojnë qeveri tranzitore dhe zgjedhje të parakohshme parlamentare, që sipas tyre do i hapin vendit rrugën e integrimit drejt BE-së.

Kryetarja e LSI, Monika Kryemadhi ka deklaruar se protesta e së shtunës dhe pjesëmarrja masive do të jetë mesazhi që shqiptarët do t?i japin kryeministrit Edi Rama për tu larguar sa më parë. Ndërkohë, sot kreu i PD-së, Lulzim Basha në një apel në rrjetet sociale ka ftuar qytetarët që të jenë në shesh për të ardhmen e fëmijëve të tyre. ?Të shtunën, në orën 18:00, të gjithë në Tiranë! Për standarte të vërteta, për mirëqenie për çdo shqiptar, për shtëpine tonë, për fëmijët tanë, PËR SHQIPËRINË SI GJITHË EUROPA?, shkruan Basha.

Mësohet se qytetarët do të mblidhen para Kryeministrisë, dhe në dy pjesët anësore të saj ana e Piramidës dhe në rrugën ?Ismail Qemali?.

Nga ana tjetër, Garda e Republikës dhe Policia kanë marrë që ditën e premte për protestën para Kryeministrisë.

Sikurse shikohet në fotot e mëposhtme, kangjellat janë vendosura përreth ndërtesës. Gjithashtu, shtyllat dhe pemët afër kryeministrisë janë lyer me graso për të mos lejuar qyetarët që t?i prekin.

Për protestën do të angazhohen rreth 1300 forca policie, shumica prej të cilëve do të që qëndrojnë para Kryeministrisë.

Pjesë e masave të policisë është edhe bllokimi i qarkullimit në rrugën ‘Ismail Qemali’, ‘Ibrahim Rugova’ lidhje me bulevardin, ura e Lanës nga ministria e Brendshme deri tek Presidenca aty ku do të ndalohet dhe parkimi i mjeteve./ CNA.al





Lajmet e fundit nga