web counter
LEXO PA REKLAMA!

SHKARKO APP

App Store
Google Play

Kriza dhe zgjedhjet shqiptare/ Ambasadori italian: Rama mund të bëj më shumë

12 Prill 2019, 19:14, Aktualitet CNA

“Italia për krizën dhe zgjedhjet”, është tema e emisionit “Repolitix”, në “Report TV”, ku i intervistuar special ka qenë ambasadori i Republikës së Italisë në vendin tonë, Alberto Cutillo.

Duke shpjeguar hapat e hedhur nga Ambasada që drejton, Cutillo ka shpjeguar se nga ana e tij i është bërë thirrje të dyja palëve, pozitës dhe opozitës për të rinisur dialogun politik, si e vetmja rrugë për të gjetur një zgjidhje për krizën dhe zgjedhjet e pritëshme vendore të Qershorit.

” Unë u bëra thirrje të dyja palëve. Së pari opozitës, në lidhje me protestat që, nëse do të vazhdojnë, do të duhet të ruajnë formë paqësore dhe kjo më duket një vijë e kuqe shumë e qartë. Unë kam thënë se shumica ndoshta ka më shumë përgjegjësi, por do të thosha edhe më shumë interes që situata në vend të mbetet e qetë, e veçanërisht që të rifillojë dialogu politik që për fat të keq gjatë gjithë kësaj legjislature ka qenë i munguar, pikërisht sepse Vendi duhet të përballet me disa afate dhe reforma shumë të rëndësishme, reforma që nuk mund të miratohen nëse mungon plotëisht dialogu me pothuajse gjysmën e elektoratit dhe deputetët që e përfaqësojnë. Kështu që unë besoj se nëse qeveria dëshiron të vazhdojë me këtë përpjekje reformuese që ne e mbështesim, ka nevojë të dialogojë me opozitën. Maxhoranca ndoshta ka më shumë përgjegjësi..”,- ka vlerësuar ambasadori Cutillo. Sipas të cilit, rifillimi i dialogut politik midis palëve është i domosdoshëm.

“Në këtë Legjislaturë parlamentare dialogu politik midis palëve ka qenë i munguar”, – ka vlerësuar Ambasadori italian, i cili, ftesën e Edi Ramës adresuar opozitës për dialog  e ka vlerësuar të pamjaftueshëm.

“Kryeministri Rama mund të bëj më shumë”,- ka thenë ai./CNA.al





Lajmet e fundit nga