web counter
LEXO PA REKLAMA!

SHKARKO APP

App Store
Google Play

Basha përsërit veten/ “Nuk do të ketë kompromis dhe zgjedhje me Edi Ramën”

13 Prill 2019, 17:07, Aktualitet CNA

Gjatë fjalës së tij para protestuesve kreu i PD-së, Lulzim Basha me tone të ashpra është shprehur se nuk ka dhe nuk do të ketë kompromis me ëndrrën e shqiptarëve për Shqipërinë si gjithë Europa.

Sipas Bashës, pengesa e Shqipërisë europiane është Edi Rama.

?Kurrë më asgjë më pak se standartet europiane të konkurencës së lirisë, të ekonomisë që hap vënde pune. Me fjalë të tjera nga ky është muzg i lirisë për shqiptarët. Ta dëgjojnë të gjithë shqëiptarët. Ta dëgjojë e mbarë bota se nuk ka kompromis me ëndrrën tonë ?E duam Shqipërinë si gjithë Europa?. Pengesa numër një për Shqipërinë se gjithë Europa dhe për Integrimi europian, është zaptimi i Gjykatës Kushtetuese nga Edi Rama për të miratuar ligje anti kushtetuese dhe për të vjedhur shqiptarët?,-tha Basha.

Më tej Basha theksoi se me Edi Ramën kryeministër nuk ka drejtësi, nuk ka shtet, nuk ka punësim dhe nuk ka zgjedhje.

?Gjykata e Republikës së Shqipërisë është në duart e Edi Ramës për të mbrojtur krimin dhe lidhjet e tij me të. Me Edi Ramën nuk ka shtet, me Edi Ramën nuk ka punësim. Me Edi Ramën nuk ka drejtësi. Me Edi Ramën nuk ka zgjedhje. Ndaj i themi nga ky shesh që sot e tutje ju nuk jeni më shteti por jeni antishteti, ju nuk jeni ligji jeni antiligji, ju nuk jeni drejtësi jeni antidrejtësia?,-deklaroi ndër të tjera Lulzim Basha./CNA.al





Lajmet e fundit nga